धक्कादायक! मंगळवेढ्यात भरदिवसा वृद्ध महिलेस लुटले

टीम मंगळवेढा टाईम्स ।

मावशी कुठे चाललीस, मला ओळखल नाही का, चल आईने चहा पिण्यास घरी बोलावलं आहे असं म्हणून एकाने ७५ वर्षीय वृद्ध महिलेस

मोटारसायकलवर बसवून गावाबाहेर नेवून तिच्या अंगावरील ४३ हजार रुपये किंमतीचे सोन्याचे दागिने जबरदस्तीने काढून घेतले.

ही घटना मंगळवेढा येथे घडली असून सुमन नरसू वाकडे (वय ७५ रा.ढवळस ) असे लुटण्यात आलेल्या वृद्धेच नांव आहे.

सदर वृद्ध महिला मंगळवेढ्यातील बँक ऑफ महाराष्ट्र येथे थांबली असता तेथे मोटारसायकलवरुन एक जण आला

व त्याने वृद्धेस मावशी कोठे निघालीस आईने घरी चहाला बोलावलयं असं म्हणत गाडीवर बसवून गाडी मरवडे रस्त्यावरील

पेट्रोल पंपाच्या पुढे कॅनॉल रस्त्यावर नेवून वृद्धेच्या गळ्यातील सोन्याचं मंगळसूत्र व बोरमाळ असा ४३ हजाराचा ऐवज जबरदस्तीने काढून घेवून वृद्धेस लुटले. मंगळवेढा पोलीस ठाण्यात घटनेची नोंद झाली आहे.

राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 99 70 76 6262 हा आमचा नंबर.