टीम मंगळवेढा टाईम्स।
मंगळवेढा उपविभागातील कार्यक्षेत्रात जप्त केलेल्या अवैध वाळू साठ्याचा लिलाव दिनांक २० सप्टेंबर २०२१ रोजी सकाळी ११ वाजता उपविभागीय अधिकारी कार्यालय मंगळवेढा येथे आयोजित केला असल्याची माहिती उपविभागीय अधिकारी उदयसिंह भोसले यांनी दिली आहे.
मंगळवेढा उपविभागातील सांगोला मंगळवेढा तालुक्यातील अवैध वाळू वाहतूक व साठ्यावर केलेल्या कारवाईत मंगळवेढा तालुक्यातील सिध्दापूर ६१०.२० ब्रास शासकीय किंमत २२,५७,७४० , ढवळस माणनदी पात्रातील १ ) गट नं ८ ९ २ ) १० ९ / १ / अ ३ ) १ ९ ० / १ अ प्रत्येकी ५०० ब्रास प्रमाणे एकूण १५०० ब्रास शासकीय किंमत ५५,५०,००० / – ,
मंगळवेढा पोलीस ठाणे आवारातील २८.०५ ब्रास शासकीय किंमत १,०३,७८५ / – तसेच सांगोला तालुक्यातील शासकीय गोदाम आवारातील १३० ब्रास शासकीय किंमत ४,८१,००० / – ,
सांगोला पोलीस स्टेशन हद्दीतील १७ ब्रास शासकीय किंमत ६२ , ९ ०० / -लिलाव इतकी आहे . ज्या कोणास वाळू लिलावात भाग घ्यावयाचा आहे . अशा व्यक्तींनी संबंधित ठिकाणच्या वाळू साठ्याची पाहणी करावी.
तसेच लिलावात भाग घेण्यासाठी शुक्रवार दिनांक १७ सप्टेंबर २०२१ रोजी सायंकाळी ५.०० वाजेपर्यंत लेखी अर्ज उपविभागीय अधिकारी मंगळवेढा उपविभाग मंगळवेढा येथे सादर करावेत, असेही उपविभागीय अधिकारी भोसले यांनी सांगितले.
सदर लिलावात भाग घेण्यासाठी २५ टक्के रक्कम रोख अथवा डी डी.द्वारे भरावी त्याचबरोबर अर्जाचे शुल्क रुपये दोन हजार विनापरतावा भरणे आवश्यक आहे.
तसेच सर्वो त्तम बोलीची २५ टक्के रक्का तात्काळ त्याच दिवशी शासकीय खजिन्यात चलनाद्वारे करावी . बोलीची उर्वरित ७५ टक्के रक्कम शासकीय खजिन्यात सात दिवसाच्या आत भरल्यानंतर स्वतःकडील वाहनाद्वारे संबंधित ठिकाणावरून वाळू घेऊन जावा.
लिलावात भाग घेणाऱ्या व्यक्तीनी अर्जासोबत आवश्यक कागदपत्रे जोडावीत. तसेच नमूद ठिकाणी वेळेत उपस्थित राहावे असे आव्हानही उपविभागीय अधिकारी भोसले यांनी केले आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
