टीम मंगळवेढा टाईम्स ।
मंगळवेढा तालुक्यातील आसबेवाडी येथून २० वर्षीय तरूणी बेपत्ता झाली असल्याची तक्रार तीच्या आईने पोलिसात दिली असून पोलिस त्या तरूणीचा कसून शोध घेत आहेत.
पोलिस सुत्रांनी दिलेली माहिती अशी, यातील २० वर्षीय तरूणी दि.२४ रोजी सायंकाळी ७.३० च्या दरम्यान वस्तीवरील दुकानातून साहित्य घेवून येते असे म्हणून घरातून निघून गेली.
ती रात्री उशीरापर्यंत घरी परतली नाही.रात्री सर्वत्र नातेवाईक, पै पाहुण्यांकडे शोध घेतला असता ती मिळून आली नाही.
तीचे वर्णन अंगाने सडपातळ , रंग गोरा , चेहरा उभट , नाक ५ फुट, केस काळे लांब, अंगात काळया रंगाचा टॉप व काळी लेगीज अशा वर्णनाची मुलगी कोणाच्या नजरेस आल्यास मंगळवेढा पोलिस स्टेशनशी ०२१८८/२२०३३३ संपर्क साधावा असे आवाहन पोलिसांनी केले आहे.
उचेठाण येथून वृद्ध बेपत्ता
मंगळवेढा तालुक्यातील उचेठाण येथून ७५ वर्षीय विवाहित पुरुष बेपत्ता झाल्याची तक्रार तीच्या पत्नीने पोलिसांत दिली असून पोलिस त्या पुरुषाचा कसून शोध घेत आहेत.
दि .२३ जूलै रोजी सकाळी ११.०० वाजता राहत्या घरातून तक्रारदार पत्नी सुमन वामन साखरे हिचा पती वामन बापु साखरे हा गावात फेरफटका मारुन येतो असे सांगुन गेला तो अद्याप पर्यंत घरीपरत आला नाही.
कोणास काही न सांगता वेडाच्या भरात निघून गेला असल्याचे पोलिसात दिलेल्या तक्रारीत तीच्या पत्नीने म्हटले आहे. त्याच्या कुटुंबियांनी सर्वत्र नातेवाईकांकडे शोध घेतला मात्र तो मिळून आला नाही.
त्याचे वर्णन- अंगात तीन बटणाचा पांढरा शर्ट , अंगाने सडपातळ , रंग सावळा असून कोणाच्या नजरेस आल्यास त्यांनी मंगळवेढा पोलिस स्टेशन ०२१८८/२२०३३३ शी संपर्क साधावा असे आवाहन केले आहे. अधिक तपास पोलिस नाईक राजशेखर निंबाळकर हे करीत आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
