समाधान फुगारे : भाजपचे माजी मंत्री प्रा.राम शिंदे यांची कन्या डॉ.अक्षता आणि मंगळवेढा तालुक्यातील बावची येथील कुंडलीक नारायण खांडेकर यांचे सुपुत्र जिल्हाधिकारी श्रीकांत यांचा शुभविवाह पुणे येथील रिट्स कार्लटन हॉटेल मध्ये मोजक्या पाहुण्यांच्या उपस्थितीत रविवारी दुपारी पार पडला.
यावेळी राज्याचे महसूलमंत्री बाळासाहेब थोरात आणि काँग्रेसचे प्रदेशाध्यक्ष नाना पटोले यांनी हजेरी लावली.
कोरोनाच्या पार्श्वभूमीवर नियमानुसार हा सोहळा पार पडला.आपल्या लाडक्या मुलीला निरोप देताना प्रा.शिंदे अत्यंत हळवे झाले होते.सायंकाळी उशिरा पर्यंत त्याच ठिकाणी स्वागत समारंभ उशिरापर्यंत सुरू होता त्यास राज्यातील अत्यंत महत्वाच्या नेते मंडळींनी उपस्थिती दर्शवली.
उपमुख्यमंत्री अजित पवार,माजी मुख्यमंत्री देवेंद्र फडणवीस, माजी मंत्री पंकजा मुंडे,आ.समाधान आवताडे यांच्यासह अनेक मंत्री, माजी मंत्री, खासदार, माजी खासदार नेते उपस्थित होते अशी माहिती मिळाली.
दुपारी हा लग्न सोहळा संपन्न झाला मात्र कोरोना नियमावली नुसार कुटुंबातील मोजके व पाहुणे मंडळी उपस्थित होती. कोरोनामुळे मतदारसंघातील अनेकांना इच्छा असून सुद्धा उपस्थित राहता आले नाही.
कोरोनामुळे काही उपस्थितीला मर्यादा आहेत त्या मुळे घरातूनच अक्षता टाकून माझ्या मुलीला आशीर्वाद द्या असे आवाहन प्रा.राम शिंदे यांनी केले होते.काही दिवसांपूर्वी चोंडी येथे त्यांनी मुलीचा साखरपुडा केला होता. त्यास कर्जत जामखेड मतदारसंघासह राज्यातील मान्यवरांनी उपस्थित दर्शविली होती.
राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 99 70 76 6262 हा आमचा नंबर.
ब्रेकिंग बातम्या मोबाईलवर मिळवण्यासाठी आम्हाला 99 70 76 6262 या नंबरला WhatsApp करा आणि लिहा “Mangalwedha Times News”
विश्वसनीय ऑनलाईन पोर्टल ‘मंगळवेढा टाईम्स’ला बातम्या व जाहिरात देण्यासाठी आजच संपर्क करा : 75 88 214 814
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
