टीम मंगळवेढा टाईम्स ।
मंगळवेढा शहर व लगत असलेल्या काही भागामध्ये संचारबंदीचे उल्लंघन केल्याबद्दल तीन हॉटेल व एका मटण दुकानदारावर कारवाई केली आहे.
याबाबत पोलिस सुत्रांनी दिलेली माहिती अशी, जिल्हाधिकारी सोलापूर यांनी जिल्हयात कोरोना विषाणूचा प्रादुर्भाव रोखण्यासाठी त्यांचेकडील आदेश दि. १८ मे २०२१ नुसार जिल्हयातील किराणा दुकाने व इतर आस्थापने बंद ठेवण्याबाबतचा व संचारबंदीचा आदेश लागू केलेला असताना देखील
राजु बुडन मुल्ला रा.मंगळवेढा यांनी सांगोला रोड येथील पद्मजा हॉटेल शेजारी असणारे आपले कँटीन उघडून आदेशाचा भंग केल्याबद्दल गुन्हा दाखल करण्यात आला.
दुसऱ्या एका कारवाईत ज्ञानेश्वर हरीदास हेळकर रा.मंगळवेढा सांगोला रोड येथील मकानदार विट भट्टीजवळ आदेशाचे उल्लंघन करून हॉटेल उघडे ठेवल्याबद्दल कारवाई करण्यात आली.
तिसऱ्या कारवाईत मनोज जयसिंग बिल ( वय २५ रा . शनिवार पेठ ) यांनी देखील आदेशाचे उल्लंघन करून हॉटेल उघडे ठेवून आदेशाचा भंग केल्याप्रकरणी त्यांच्यावर गुन्हा दाखल करण्यात आला.
चौथ्या घटनेत शफिक पैगंबर बुखारी ( रा.हजारे गल्ली ) यांनी पंढरी दुध संघ , मंगळवेढा येथे आदेशाचे उल्लंघन करून मटणाचे दुकान उघडे ठेवून आदेशाचा भंग केल्याप्रकरणी गुन्हा दाखल करण्यात आला.
वरील सर्वाविरूध्द भा.दं. वि.कलम १८८,२६ ९ , २७० आपत्ती व्यवस्थापन कायदा २००५ कलम ५१ ब साथीचे रोग प्रतिबंधक कायदा कलम २,३,४ प्रमाणे मंगळवेढा पोलिसांत गुन्हा दाखल झाला असून अधिक तपास पोलिस करीत आहेत.
दामाजीनगरमध्ये दुर्गंधीयुक्त दुषीत पाणीपुरवठा
गेल्या तीन दिवसा पासुन दामाजीनगराच्या काही भागात नळाला दुर्गंधीयुक्त दुषीत पाण्याचा पुरवठा होत आहे. विशेषत : नागणेवाडीच्या चढाजवळील इंग्लीस्कुलच्या कंपौंड पासून धर्मगाव रस्त्यावरील शिर्के हॉस्पिटल लगतच्या घरांना असे दुषित पाणी नळातुन येत आहे.
कोरोना पार्श्वभुमीवर दामाजीनगर जिल्हाधिकाऱ्यानी हॉटस्पॉट घोषीत केल्याने परिसरातील नागरिकात आधीच भितीचे वातावरण आहे. त्यात दुषीत पाणीपुवठ्या मुळे लोक जीवमुठीत घेऊन जगत आहेत.
हा भाग दामाजीनगर ग्रामपंचायतीचा असला तरी मंगळवेढा नगरपरिषद दुप्पट पाणीपट्टी आकारुन अनियमित व दुषित पाणी पुरवठा करते.ग्रामपंचायत व नगरपालिका यांचे कुणीच संबंधीत अधिकारी किंवा लोकप्रतिनिधी लक्ष देत नसल्याने कोरोनाची तिसरी लाट येण्या आधीच दामाजीनगर मरणयातना सोसत आहे.
प्रशासनाने व लोकप्रतिनिधिनी वेळीच लक्ष घालावे नाहीतर आणखी एका साथीला बळी पाडावे लागेल. अशी संतप्त भावना या परिसरातील नागरीकातुन व्यक्त होतआहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
