टीम मंगळवेढा टाईम्स ।
मंगळवेढा-पंढरपूर या दोन्ही तालुक्यात कोरोना रुग्णांच्या संख्येत वाढ होत असून रूग्णांना ऑक्सिजनची कमतरता जाणवू नये म्हणून आ.समाधान आवताडे यांनी तातडीने जिल्हाधिकारी मिलिंद शंभरकर यांच्याशी चर्चा करून आज सकाळी 11 वा.बैठकीचे आयोजन केले आहे.
कोरोनाचा वाढता प्रादुर्भाव यांचे गांभीर्य पाहता पंढरपूर-मंगळवेढा येथील प्रमुख डाॅक्टरांनी ऑक्सिजन संदर्भात झालेल्या चर्चेनुसार विधानसभा मतदार संघाचे नवनिर्वाचित आमदार समाधान आवताडे मंगळवारी रात्री उशिरा टेंभुर्णी येथील एस.एस. बॅग्स ऑण्ड फिलर्स प्रा.लि.या ऑक्सिजन निर्मिती प्रकल्पास तात्काळ प्रत्यक्ष भेट दिली.
येथील ऑक्सिजन निर्मिती स्वरूप अनुषंगाने येणाऱ्या अडी – अडचणी आ.आवताडे यांनी जाणून घेतल्या व त्यावर या प्रकल्पाचे चालक प्रभाकर शिंदे यांच्याशी सविस्तर चर्चा केली.
सद्या काळात ऑक्सिजन पुरवठ्याची खूप मोठी टंचाई असल्यामुळे त्याचा तुटवडा निर्माण होत आहे. कमी ऑक्सिजन पुरवठ्यामुळे अनेक कोरोनाबाधित रुग्णांना आपला जीव गमवावा लागत आहे.
या सर्व पार्श्वभूमीवर आ.समाधान आवताडे यांनी या भेटीदरम्यान जिल्हाधिकारी यांना भ्रमणध्वनी वरून या प्रकल्पा संबधित माहिती दिली. व आज सकाळी 11 वाजता बैठकीची वेळ घेतली.
तसेच FDI विभागाचे प्रमुख यांच्याशी तेथुनच संपर्क साधून ऑक्सिजन प्रकल्पाचे आडचणीची बाबत त्यांनी संवाद साधला.
याबैठकी मध्ये पंढरपूर – मंगळवेढा मतदार संघात निर्माण झालेल्या कोरोना स्थिती अनुषंगाने त्यांनी येथील ऑक्सिजन तुटवडा, रेमडिसिवर इंजेक्शन तसेच वॅक्सशीन या बाबत जिल्हाधिकारी यांचे सोबत मिटिंग घेण्याचे नियोजन केले बाबतची चर्चा होणार असले बाबत आ.आवताडे यांनी सांगीतले.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
