टीम मंगळवेढा टाईम्स ।
पत्नी सोडून गेल्याच्या तणावाखाली दारू व्यसनाच्या आहारी गेलेल्या ४२ वर्षीय तरुणाने राहत्या घरात पत्र्याच्या अंगलला स्कार्पने गळफास घेऊन आत्महत्या केली. ही घटना २५ एप्रिल रोजी स.१०.३० च्या सुमारास मेथवडे ( ता.सांगोला ) येथे घडली आहे.
संजय बापू कोळी असे मृत तरुणाचे नाव आहे. संजय कोळी याची पत्नी गेले ५ ते ७ वर्षांपासून त्यास सोडून माहेरी राहत आहे. त्यामुळे तो दारू व्यसनाच्या आहारी जाऊन मानसिक रुग्ण झाला होता.
किंबहुना, याच तणावाखाली त्याने रविवारी राहत्या घरात पत्र्याच्या अंगलला स्कार्पने गळफास घेतला.
ही घटना वडील राजेंद्र कोळी यांनी पाहून त्यास उपचारासाठी ग्रामीण रुग्णालयात दाखल केले. मात्र, डॉक्टरांनी तपासून तो मृत झाल्याचे सांगितले. याबाबत राजेंद्र बापू कोळी यांनी खबर दिली आहे.
मंगळवेढ्यातील १०४ दुकानदारांवर कारवाई
मंगळवेढा शहर व लगतच्या दामाजीनगर व संत चोखामेळा ग्रामपंचायत हद्दीत आदेशाचे पालन केले नसल्यामुळे जिल्हाधिकारी यांनी नेमलेल्या पथकाने विविध ठिकाणी दुकाने उघडी ठेवणाऱ्या १०४ दुकानदारांवर कारवाई करीत ७३ हजारांचा दंड वसूल केला आहे.
उपविभागीय अधिकारी उदयसिंह भोसले यांनी नगरपालिकेचे कर निरीक्षक व प्रशासकीय अधिकारी विनायक साळुखे यांच्या मार्गदर्शनाखाली इंजिनिअर तेजस सूर्यवंशी , मंडल अधिकारी एस.एस. जाधव , तलाठी उमेश सूर्यवंशी , ग्रामसेवक गोरख जगताप , मारापूर ग्रामसेवक एम.जी. पवार या पथकाने ही कारवाई केली.
राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 99 70 76 6262 हा आमचा नंबर.
ब्रेकिंग बातम्या मोबाईलवर मिळवण्यासाठी आम्हाला 99 70 76 6262 या नंबरला WhatsApp करा आणि लिहा “Mangalwedha Times News”
विश्वसनीय ऑनलाईन पोर्टल ‘मंगळवेढा टाईम्स’ला बातम्या व जाहिरात देण्यासाठी आजच संपर्क करा : 75 88 214 814
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
