पालकांनो मुलांकडे लक्ष द्या! झोका खेळताना फास लागून बालिकेचा मृत्यू

टीम मंगळवेढा टाईम्स ।

सोलापूर जिल्ह्यातील अक्कलकोट हद्दवाढ भागातील वसाहतीमध्ये सात वर्षीय मुलगी झोका खेळत असताना फास लागून मृत्यू झाला. ही दुर्दैवी घटना २५ एप्रिल रोजी सकाळी ९ वाजण्याच्या सुमारास समर्थ नगर , अक्कलकोट येथे घडली आहे.

याबाबत उत्तर पोलीस ठाण्यात शिवपुत्र गुरव यांनी खबर दिली आहे. पोलिसांकडून मिळालेल्या माहितीनुसार , अभिलाषा शिवपुत्र गुरव हिचे आईवडील रविवारी सकाळी ९ वाजण्याच्या सुमारास शहरातील खंडोबा मंदिर येथे दर्शनासाठी गेले होते.

तेव्हा मुख्य दरवाजा बंद होता.दोन दिवसांपूर्वी आलेल्या पाहुण्यांच्या लहान मुलींसाठी साडीचा झोका बांधण्यात आला होता. त्यावर बसून अभिलाषा झोका खेळत होती. तेव्हा अचानकपणे तिच्या गळ्याला फास बसून मृत्यू झाला.

सकाळी ९ .४५ वाजता आई , वडील देवदर्शन करून परत घरी आले असता , दरवाजा बंद होता . तो उघडत नसल्याने पारच्या साहाय्याने तोडला असता मुलगी फास बसलेल्या अवस्थेत लोंबकळत होती. ते तत्काळ काढले .

ग्रामीण रुग्णालयात उपचारासाठी दाखल केले असता डॉक्टरांनी मयत घोषित केले. पोलिसांनी पंचनामा केला. शवविच्छेदन करून मृतदेह नातेवाइकांच्या ताब्यात दिले.

त्यानंतर मूळगावी उमदी ता.जत तिच्यावर रविवारी रात्री अंत्यसंस्कार करण्यात आले. अधिक तपास सहा. पोलीस निरीक्षक देवेंद्र राठोड हे करीत आहेत.

कोरोना बाधित रुग्णांसाठी हेल्पलाईन

मंगळवेढा नगरपरिषदेच्यावतीने हेल्पलाईन जारी करण्यात आली असून कोरोना रुग्णांनी या हेल्पलाईनवर संपर्क करण्याचे आवाहन मुख्याधिकारी निशिकांत प्रचंडराव यांनी केले आहे.

वीरशैव मंगल कार्यालय , रुक्मिणीमाता मुलींचे वसतिगृह व महिला प्रशिक्षण इमारत येथे कोविड सेंटर सुरू करण्यात आलेली आहेत. जर कोणी कोरोना रुग्ण असेल व त्याला होम आयसोलेशन होण्यास सांगितले असेल अशा रुग्णांनी दररोज घरी येऊन डॉक्टरांनी तपासणी करण्यासाठी डॉ.समाधान टकले , डॉ . गिरीश मासाळ , डॉ . सदानंद माने व डॉ.सागर सचिंद्रभेकी यांच्याशी संपर्क साधावा असे आवाहन निशिकांत प्रचंडराव यांनी केले आहे.

राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 99 70 76 6262 हा आमचा नंबर.