सोलापूर दूध संघाच्या थकीत वसुलीसाठी पदाधिकाऱ्यांच्या मालमत्तेवर बोजा चढवणार : प्रशासक शिरापूरकर

टीम मंगळवेढा टाईम्स ।

दूध संघात सध्या कार्यरत असलेल्या विभाग प्रमुखांवर नोडल अधिकारी म्हणून एका तालुक्‍याची जबाबदारी सोपविली जाणार आहे. दूध संकलन, दूध वितरण, थकबाकी वसुली ही अतिरिक्त कामे त्यांच्यावर सोपवली जाणार आहेत.

गेल्या अनेक वर्षांपासून दूध संघाचा कारभार बिघडला असल्याने दूध संघावर प्रशासक नियुक्त झाला असल्याचेही त्यांनी सांगितले.

दूध संकलनात वाढ करणे, दूध उत्पादक शेतकऱ्यांना वेळेवर दूध बिल देणे, कर्मचाऱ्यांना नियमित पगार देणे या प्रमुख बाबी सुधारणांवर आपला अधिक भर राहणार असल्याचेही शिरापूरकर यांनी सांगितले.

दूध पंढरीच्या पदार्थांच्या मार्केंटिंगसह दूध संघात सुधारणा करण्यासाठी तुमच्या डोक्‍यात काय कल्पना आहेत? याबाबत दूध संघाच्या अधिकारी व कर्मचाऱ्यांकडून माहिती मागविण्यात आल्याचेही त्यांनी सांगितले.

दूध ऍडव्हान्स वसूलीसाठी दावे दाखल केलेल्या संस्था : 225

दूध ऍडव्हान्सच्या दाव्यांची रक्कम : 1 कोटी 53 लाख रुपये

पशुखाद्य येणे बाकी दावे दाखल केलेल्या संस्था : 216

पशुखाद्य येणे बाकीच्या दाव्याची रक्कम : 78 लाख 38 हजार

गाय खरेदीसाठी ऍडव्हान्सच्या वसुलीसाठी दावे दाखल केलेल्या संस्था : 132

गाय खरेदी ऍडव्हान्सच्या दाव्यातील वसुलीची रक्कम : 2 कोटी 47 लाख रुपये

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज