संतापजनक! दारू पिण्यास विरोध करणाऱ्या पत्नीचा डोक्यात कुऱ्हाड घालून खून

टीम मंगळवेढा टाईम्स ।

दारू पिण्याच्या कारणावरून पत्नी सतत बोलत असल्याने, पतीने तिचा कुऱ्हाडीने खून केल्याची घटना बुधवारी (ता. 11) दुपारी साडेतीनच्या सुमारास पंढरपुरात घडली.

राधिका बाबा सावतराव (वय 49, रा. जुना सोलापूर नाका झोपडपट्टी, हनुमान टेकडी, गोशाळा, पंढरपूर, जि. सोलापूर) असे खून झालेल्या महिलेचे नाव आहे.

याबाबतची पोलिसांकडून मिळालेली माहिती अशी, की राधिका सावतराव यांचा पती बाबा लक्ष्मण सावतराव हा सतत दारू पित असे.

यामुळे राधिका या बाबा सावतराव यांना दारू पीत असल्याच्या कारणावरून नेहमी बोलत होत्या.

याचा राग मनात धरून पती बाबा सावतराव हा घरातील लाकडे तोडण्याच्या कुऱ्हाडीने तिच्या डोक्‍यात घाव घालून तिला ठार मारले.

याबाबत त्यांचा मुलगा शिवम बाबा सावतराव (वय 19) याने शहर पोलिस ठाण्यात गुन्हा दाखल केला आहे. याबाबतचा पुढील तपास सहाय्यक पोलिस निरीक्षक मगदुम हे करीत आहेत.

राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 9561617373 हा आमचा नंबर.