मंगळवेढा टाईम्स न्युज नेटवर्क ।
मंगळवेढा तालुक्यातील बोराळे येथे एका १९ वर्षीय मुलाने अज्ञात कारणावरुन शेतातील लिंबाच्या झाडाला गळफास घेवून आत्महत्या केल्याची घटना घडली असून उमेश राजेंद्र वाघमारे असे त्या युवकाचे नाव आहे.
दरम्यान या घटनेची मंगळवेढा पोलीसात नोंद झाली आहे. गेली तीन दिवस मंगळवेढ्यात तरूणांची गळफास घेण्याची मालिका सुरु असून आत्तापर्यंत तीन दिवसात तीघांनी गळफास घेतला आहे.
पोलीस सुत्राकडून मिळालेली माहिती अशी, यातील खबर देणारे राजेंद्र मच्छिंद्र वाघमारे (रा. बोराळे) हे दि.२० रोजी मोहोळ येथे नातेवाईकाचे लग्न असल्याने गेले होते.
सायंकाळी ४ वाजता लग्नामध्ये खबर देणाऱ्याचा भाऊ संजय मच्छिंद्र वाघमारे यांनी फोन करुन सांगितले की, तुझा मुलगा उमेश राजेंद्र वाघमारे याने शेतातील लिंबाच्या झाडाला दोरीने गळफास घेतला आहे.
मुलाच्या वडिलाने सायंकाळी ५ वाजता येवून पाहिले असता मयत हा झाडाला लटकलेला दिसला त्यानंतर मयतास खाली उतरवून उपचारासाठी मंगळवेढा ग्रामीण रुग्णालयात नेल्यानंतर तेथील डॉक्टरांनी उपचारापुर्वीच मयत झाला असल्याचे दिलेल्या खबर मध्ये म्हटले आहे. याचा अधिक तपास बोराळे बीटचे पोलीस करीत आहेत.
दरम्यान सोमवार दि.१९ मे रोजी मंगळवेढा शहरात एका ४५ वर्षीय तरुणाने आत्महत्या केली. दि.२० रोजी बोराळे येथे १९ वर्षीय तर बठाण येथे २३ वर्षीय तरुणीने आत्महत्या केली. या सलग दोन युवक व एका तरुणीने आत्महत्या केल्यामुळे पालक वर्गातून चिंता व्यक्त होत आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
