मंगळवेढा टाईम्स न्युज नेटवर्क ।
राज्यात सध्या दहावी आणि बारावीच्या परीक्षा सुरू आहे. अशातच सोलापूर जिल्ह्यातून मन हेलावून टाकणारी बातमी समोर आली आहे. पंढरपूर – सातारा मार्गावर भीषण अपघात झाल्याची माहिती समोर आली आहे.
भरधाव ट्रकने दोन शाळकरी मुलांना चिरडल्याची घटना समोर आली आहे. इयत्ता पाचवीमध्ये शिकणाऱ्या मुलाचा या घटनेत जागेवरच मृत्यू झाला आहे.
तर, गंभीर जखमी झालेल्या सहावीतील मुलीला मिरज येथे उपचारासाठी हलवण्यात आलं आहे. पोलिसांनी ट्रक चालकाला ताब्यात घेतलं असल्याची माहिती आहे.
मिळालेल्या माहितीनुसार, पंढरपूर सातारा रोडवर धोंडेवाडी पाटीजवळ हा अपघात घडला. अपघातातील दोघेही बहीण-भाऊ होते. दोघेही सकाळी शाळेत जात असताना ही घटना घडली आहे.
राधिका धनाजी देठे आणि चैतन्य धनाजी देठे हे लहान भाऊ आणि बहीण सकाळी नेहमीप्रमाणे सायकलीवर शाळेला निघाले होते.
यावेळी सिमेंट बल्करने ट्रकने मागून येऊन या बहिण भावांना चिरडलं. धडक बसल्यानंतर दोघेही चाकाखाली सापडले. पण या अपघातात चैतन्य हा पाचवीत शिकणारा मुलगा जागीच मृत झाला आहे. तर त्याची सहावी शिकणारी मोठी बहीण राधिका ही गंभीर जखमी झाली आहे.
स्थानिकांनी धाव घेऊन तातडीने राधिकाला नजीकच्या रुग्णालयात दाखल केलं. त्यानंतर तिला उपचारासाठी मिरज इथं हलविण्यात आलं आहे. संतप्त जमावाने ट्रक अडवला. घटनेची माहिती मिळताच पोलिसांनी घटनास्थळी धाव घेतली. पोलिसांनी ट्रकचालकाला ताब्यात घेतलं आहे.
या अपघातात देठे कुटुंबावर दुःखाचा डोंगर कोसळला आहे. अपघातात छोट्या भावाने प्राण गमावले आहेत, तर बहिणीवरती रुग्णालयात उपचार सुरू आहे. या घटनेनं परिसरात हळहळ व्यक्त होत आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
