ब्रेकिंग! मंगळवेढ्यात भीषण अपघात ‘या’ गावातील दोघेजण ठार

टीम मंगळवेढा टाईम्स ।

मंगळवेढा तालुक्यातील पाटखळ-खुपसंगी रोडवर पाटखळ गावाजवळ एक सिमेंट टँकर व मोटरसायकलचा भीषण अपघात झाला असून त्यामध्ये बुरुंगेवाडी -जवळा ता . सांगोला येथील दोघेजण गंभीर जखमी होवून उपचारांपूर्वीच त्यांचा मृत्यू झाला.

मौजे हिवरगाव येथून आपल्या मुलाचा साखरपुडा उरकून बुरुंगेवाडी-जवळाकडे (एम.एच ९ एच ९२१८) या मोटरसायकल वरून परत जात असताना

पाटखळ गावाजवळ सिमेंट टँकर (के.ए .४८.५१२२) ला जोरदार अपघात झाला अपघात एवढा मोठा होता की मोटरसायकलवरील एकजण अंदाजे २० फूट बाजूला फेकला गेला,

तर दुसऱ्या एका व्यक्तीच्या दोन्ही पायावरून सिमेंट टँकरच्या एका बाजूची सर्व टायर गेल्याने अत्यंत भयावह परिस्थिती झाली तर मोटरसायकलचाही चेंदामेंदा झाला.

या अपघातात गोविंद बुरुंगे , चिल्लपा बुरुंगे यांचा मृत्यू झाल्याने बुरुंगेवाडी गावावर शोककळा पसरली आहे.

दरम्यान , सोलापूर- कोल्हापूर महामार्गाचे काम चालू असून या प्रकारच्या मोठया वाहनांची वर्दळ वाढली भीतीचे वातावरण निर्माण झाले आहे.

राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 9970 76 6262 हा आमचा नंबर.