टीम मंगळवेढा टाईम्स । (विशेष प्रतिनिधी):
देशभरात गाजत असलेल्या ‘नीट’ (NEET) परीक्षा पेपर फुटीचे आणि घोटाळ्याचे लोन आता थेट मंगळवेढ्यापर्यंत येऊन पोहोचल्याची जोरदार चर्चा शहरात सुरू झाली आहे.
अधिकृत निकाल जाहीर होण्यापूर्वीच मंगळवेढ्यातील काही नामांकित कोचिंग क्लासेसनी विद्यार्थ्यांचे निकाल जाहीर करत चौकाचौकात लावलेले डिजिटल बॅनर्स आणि वाटलेली पॅम्पलेट्स आता संशयाच्या भोवऱ्यात सापडली आहेत.
यामुळे मंगळवेढ्यातील काही क्लासेसवाले शिक्षक केंद्रीय अन्वेषण विभागाच्या (CBI) रडारवर असल्याची चर्चा पालकांमध्ये रंगली आहे.
❓ निकाल लागण्याआधीच कौतुक कसं? पालकांचा थेट सवाल
मिळालेल्या माहितीनुसार, नीट परीक्षेचा अधिकृत निकाल जाहीर होण्यास काही दिवस बाकी असतानाच, मंगळवेढ्यातील काही कोचिंग क्लासेस चालकांनी आपल्या विद्यार्थ्यांनी परीक्षेत घवघवीत यश मिळवल्याचे दावे केले होते. एवढेच नव्हे तर, शहरातील प्रमुख चौकांमध्ये मोठे डिजिटल बॅनर्स लावून आणि पॅम्पलेट्स छापून याचे जोरदार मार्केटिंगही करण्यात आले असल्याचीचर्चा सुरू आहे.
”जर निकाल अधिकृतपणे जाहीरच झाला नव्हता, तर या क्लासेसवाल्यांना विद्यार्थ्यांचे गुण आणि निकाल आधीच कसे माहीत झाले?” असा संतप्त सवाल आता शहरातील सुजाण पालक वर्गातून विचारला जात आहे.
🔍 संशयाची सुई क्लासेसवाल्यांकडे; CBI चौकशी होणार?
देशपातळीवर नीट घोटाळ्याचा तपास CBI कडे सोपवण्यात आला असून, अनेक राज्यांमध्ये धाडी सत्र सुरू आहे. या पार्श्वभूमीवर, मंगळवेढ्यात निकाल आधीच जाहीर करणाऱ्या ‘त्या’ क्लासेस चालकांचे पेपर फुटीच्या रॅकेटशी काही कनेक्शन आहे का? याची चौकशी आता CBI करणार का? अशी भीती आणि चर्चा क्लासेस चालकांमध्ये पसरली आहे. कारवाईच्या भीतीने काही क्लासेस चालकांचे धाबे दणाणले असून, अंतर्गत गोटात मोठी खळबळ उडाली आहे.
🛑 पॅम्पलेट आणि डिजिटल ठरणार मुख्य पुरावे?
घोटाळ्याची चर्चा सुरू होताच चौकाचौकात लावलेले ‘ते’ डिजिटल बॅनर्स आणि घरोघरी वाटलेली पॅम्पलेट्स सोशल मीडियावर जोरदार व्हायरल होत आहेत. हेच बॅनर्स आणि पॅम्पलेट्स आता तपास यंत्रणांसाठी मुख्य पुरावे ठरू शकतात, अशी शक्यता वर्तवली जात आहे.
पैशांच्या जोरावर गुणवत्तेचा बाजार मांडणाऱ्या अशा क्लासेस चालकांवर आणि शिक्षकांवर कडक कारवाई व्हावी, अशी मागणी मंगळवेढ्यातील पालकांमधून आणि प्रामाणिकपणे अभ्यास करणाऱ्या विद्यार्थ्यांमधून केली जात आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
