टीम मंगळवेढा टाईम्स ।
राज्यमाध्यमिक आणि उच्च माध्यमिक शिक्षण मंडळाचा म्हणजेच इयत्ता दहावीच्या परीक्षेचा निकाल आज दि.१७ जून रोजी जाहीर होणार आहे.
आज दुपारी १ वाजता https://www.mahahsscboard.in या संकेत स्थळाला भेट देऊन विद्यार्थी निकाल पाहू शकतात.
विद्यार्थ्यांना गुणपत्रिका कधी मिळणार ते निकालाच्या दिवशी कळविण्यात येणार आहे. दहावीची परीक्षा १५ मार्च ते ४ एप्रिल २०२२ या कालावधीत आयोजित करण्यात आली होती.
राज्यातून एकूण १६ लाख ३९ हजार १७२ विद्यार्थ्यांनी परीक्षेसाठी नोंदणी केली होती. मुख्य केंद्र आणि उपकेंद्र मिळून २१ हजार ३८४ ठिकाणी परीक्षा पार पडली.
एसएससी म्हणजेच इयत्ता दहावीच्या निकालाला शैक्षणिक दृष्ट्या खूप महत्व असते. दहावीनंतर विविध शाखांची प्रवेश प्रक्रिया सुरु होते.
यंदा दहावीच्या परीक्षा उशिरा घेतल्याने त्याचा परिणाम निकालावर झालेला आहे. या वर्षी दहावीचा निकाल आठवडाभर उशिराने लागत आहे. त्यामुळे दहावीचा निकाल कधी लागणार याकडे विद्यार्थी आणि पालक डोळे लावून बसलेले होते.
दहावीचा निकाल जाहीर होणार असल्याने विद्यार्थ्यांमध्ये आनंदासह किती गुण मिळणार, कुठे प्रवेश घ्यायचे? याबाबद लगबग सुरु झाली आहे.
विद्यार्थ्यांनी गुणपडताळणी, उत्तरपत्रिकांच्या छायाप्रती आणि पुनर्मूल्यांकर व स्थलांतर प्रमाणपत्रासाठी संबंधित विभागीय मंडळाकडे ऑनलाइन पद्धतीने मंडळाच्या अधिकृत संकेतस्थळामार्फत किंवा शाळांमार्फत अर्ज करायचा आहे.
गुणपडताळणीसाठी सोमवार २० जून ते बुधवार २९ जून पर्यंत अर्ज करायचा आहे. छायाप्रतीसाठी सोमवार २० जून ते शनिवार ९ जुलै पर्यंत अर्ज करायचा आहे. त्याचे शुल्कही ऑनलाइन पद्धतीनेच भरायचे आहे.
महाराष्ट्र SSC चा निकाल 2022 कसा तपासायचा
सर्वप्रथम महाराष्ट्र बोर्डाच्या अधिकृत वेबसाईट mahresult.nic.in ला भेट द्या.
आता मुख्यपृष्ठावरील ‘महाराष्ट्र एसएससी निकाल 2022’ या पर्यायावर क्लिक करा.
तुमची लॉगिन क्रेडेंशियल्स जसे की रोल नंबर इत्यादी एंटर करा आणि सबमिट करा
तुमचा निकाल स्क्रीनवर दिसेल.
भविष्यातील वापरासाठी ते डाउनलोड करा आणि त्याची प्रिंट आउट देखील घ्या.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
