सोलापुर जिल्ह्यात आजपासून पुन्हा कडक निर्बंध; शहर व जिल्ह्यासाठी ‘हे’ नवे नियम असणार

टीम मंगळवेढा टाईम्स ।

कोरोना संसर्गात तिसर्‍या स्तरावर असलेल्या सोलापूर जिल्ह्यात आज सोमवारपासून पुन्हा कडक निर्बंध लावण्यात येणार आहेत. त्याअंतर्गत जिल्ह्यासह शहरातही सकाळी सात ते सायंकाळी चारपर्यंतच व्यवहार सुरू राहतील.

त्यानंतर अत्यावश्यक सेवा व वैद्यकीय सेवा वगळता सर्व व्यवहार बंद राहणार आहेत. शनिवार व रविवारी मात्र अत्यावश्यक सेवा वगळता सर्व व्यवहार बंद राहणार आहेत.

शहरासाठीचा तसा प्रस्ताव मनपा आयुक्‍त पी शिवशंकर यांनी जिल्हाधिकारी मिलिंद शंभरकर यांच्याकडे पाठविला आहे. त्यांनुसार ते रविवारी आदेश जारी करणार आहेत.

गेल्या दोन वर्षांपासून कोरोनाच्या महामारीमुळे लॉकडाऊनचा फेरा सुरूच आहे. गेल्यावर्षी अनेक दिवस लॉकडाऊन होते. पुन्हा कोरोनाची लाट कमी झाल्यानंतर जानेवारीपासून अनलॉक झाले होते. त्यानंतर पुन्हा मार्च महिन्यात दुसर्‍या लाटेमुळे लॉकडाऊन जारी करण्यात आले.

मे महिन्यात मात्र पुन्हा लाट ओसरल्यानंतर शहरात जूनपासून निर्बंध हटविण्यात आले होते. मात्र, ग्रामीण भागात दुपारी चारपर्यंत सूट देण्यात आली होती.

आता पुन्हा म्युकर मायकोसिससह तिसर्‍या लाटेचे आव्हान समोर उभा ठाकले आहे. त्यातच डेल्टा प्लस हा नवा व्हायरस आढळून आल्याने पुन्हा कडक निर्बंध करण्याची वेळ प्रशासनावर आली आहे. शासनाने यासंदर्भात नुकताच तसा निर्णय घेतला आहे.

याअंतर्गत सोलापूर जिल्हा तिसर्‍या स्तरावर आहेत. तिसर्‍या स्तरावरील निर्बंध ग्रामीणमध्ये आजही कायम आहेत. मात्र शहरातील पूर्ण लॉकडाऊन हटले होते. त्यावर मात्र आता पुन्हा मर्यादा येणार आहेत. यापूर्वी सोलापूर शहर दुसर्‍या स्तरावर होते.

मात्र आता पहिला व दुसरा स्तर रद्द करून तिसरा, चौथा पाचवा स्तरानुसासर कोरोना संसर्गाची गणना केली आहे. त्यामुळे राज्यातील 14 जिल्ह्यांची तिसर्‍या स्तरामध्ये सोलापूर शहराचा समावेश आहे. त्यामुळे या नव्या कडक निर्बंधनानुसार शहरात पूर्वी दिवसभर पूर्णत: सवलत होती.

त्याऐवजी आता फक्‍त सकाळी सात ते सायंकाळी चार वाजेपर्यंतच सर्व व्यवहार खुले राहतील. शनिवारी व रविवारी मात्र शहरासह जिल्ह्यात कडक लॉकडाऊन राहणार आहे. या कालावधीत वैद्यकीय सेवा व मेडिकल हे चोवीस तास कायम चालू राहतील.

या नव्या आदेशाची अंमलबजावणी सोमवारपासून होणार आहे. जिल्हा आपत्ती प्राधिकरणाचे प्रमुख जिल्हाधिकारी यांच्याकडे महापालिकेकडून प्रस्ताव सादर करण्यात आला आहे.

या प्रस्तावाला मान्यता मिळताच हे रविवारी रात्रीपासून नव्याने आदेश लागू करण्यात येतील. हे निर्बंध पुढील शासन निर्णयापर्यंत लागू राहणार आहेत.

शहर व जिल्ह्यासाठी नवे नियम

अत्यावश्यक दुकानांसह सर्वच आस्थापना सकाळी 7 ते 4 या वेळेत चालू.

शनिवारी-रविवारी मेडिकल व वैद्यकीय सेवा वगळता दोन दिवस कडक लॉकडाऊन राहणार.

शहरातील हॉटेल्स 7 ते 4 चालू राहतील. मात्र, सायंकाळी 4 ते 9 या वेळेत पार्सल सेवा सुरू ठेवतील.

करमणुकीचे केंद्र पूर्णतः बंद राहणार आहेत.

सार्वजनिक कार्यक्रमांमध्ये संख्येवर पुन्हा नियंत्रण येणार 100 लोकांमध्ये उरकावे लागणार लग्‍न.

जीम, सलून, स्पा आदी दुकाने सायंकाळी 4 वाजेपर्यंत चालू राहतील. मात्र 50 टक्के क्षमतेने.

शासकीय व खासगी आस्थापनांमध्ये 50 टक्के क्षमता.

शासन आदेशानुसार शहरात कडक निर्बंध लागू करण्यासाठी जिल्ह्याधिकार्‍यांकडे प्रस्ताव सादर केला आहे. जिल्हाधिकार्‍यांच्या लेखी आदेशानंतर शहरात कडक निर्बंध लावण्यात येतील.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज