टीम मंगळवेढा टाईम्स ।
मंगळवेढा-पंढरपूर विधानसभा पोटनिवडणुकीचे अपक्ष उमेदवार सिद्धेश्वर आवताडे यांच्या प्रचाराचा शुभारंभ मंगळवारी माचणूर येथून करण्यात येणार आहे.
रविवारी कृषी उत्पन्न बाजार समितीच्या पटांगणात पदाधिकारी कार्यकर्त्यांची विचारविनिमय बैठक बबनराव आवताडे यांनी घेतली होती.
याप्रसंगी खरेदी विक्री संघाचे माजी चेअरमन विठ्ठल घुले, संभाजी ब्रिगेडचे समाधान क्षीरसागर, युवराज घुले,हणमंत मासाळ यांच्यासह तालुक्यातील विविध कार्यकरी सोसायटीचे सचिव,ग्रामपंचायत सरपंच,सदस्य मोठ्या संख्येने उपस्थित होते.
युवराज घुले बोलताना म्हणाले की, आपला मतदार संघ हा गेल्या अनेक वर्षांपासून विकासापासून वंचित आहे.आजपर्यंत नुसती आश्वासने येथील नागरिकांनी ऐकली आहेत.
आता सिद्धेश्वर आवताडे यांच्या रूपाने या मतदारसंघाला तरुण नेतृत्व लाभले आहे. त्यांच्या कामाची व कार्याची माहिती येथील सर्वाना असल्यामुळे सिद्धेश्वर आवताडे निश्चितच विजयी होतील असा विश्वास घुले यांनी व्यक्त केला.
दरम्यान सायंकाळी नागणे गल्ली,खंडोबा गल्ली, मुरडे गल्ली,दत्तू गल्ली या भागातून रॅली काढून सिध्देश्वर आवताडे यांनी मतदारांशी संवाद साधला आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
