टीम मंगळवेढा टाईम्स ।
शासकीय कार्यालये ही जनतेच्या सेवेसाठी असतात की वाढदिवसाच्या पार्ट्या साजरी करण्यासाठी? असा संतापजनक प्रश्न आता मंगळवेढ्यात उपस्थित होत आहे.
कामासाठी ग्रामीण भागातून आलेल्या सामान्य नागरिकांना ताटकळत ठेवून, शासकीय वेळेत स्वतःच्या दालनात वाढदिवसाचे सेलिब्रेशन करणाऱ्या गटविकास अधिकारी डॉ.जास्मिन शेख यांच्यावर कारवाई करण्याचे आदेश विभागीय आयुक्त कार्यालयाने दिले आहेत.
नेमके प्रकरण काय?
दि.१६ मार्च रोजी मंगळवेढ्याच्या पंचायत समितीमध्ये हा संतापजनक प्रकार घडला होता. डॉ. जास्मिन शेख यांनी त्यांचा वाढदिवस कार्यालयातील कर्मचाऱ्यांसोबत शासकीय वेळेत साजरा केला. विशेष म्हणजे: ग्रामीण भागातून आलेले नागरिक बाहेर ताटकळत उभे होते.
प्रहार संघटनेचे कार्यकर्ते निवेदन देण्यासाठी आले असताना त्यांना वाढदिवस संपेपर्यंत बाहेरच थांबवून ठेवण्यात आले.
शासकीय कार्यालयात वैयक्तिक समारंभ साजरा करण्यास मनाई असतानाही नियमांचे सरळ उल्लंघन करण्यात आले.
अहवाल सादर करण्याचे निर्देश
या गंभीर प्रकरणाची दखल घेत अण्णासाहेब पाटील व प्रहार संघटनेचे तालुकाध्यक्ष समाधान हेंबाडे यांनी ‘आपले सरकार’ पोर्टलवर पुराव्यासह तक्रार दाखल केली होती. याची गंभीर दखल घेत पुणे विभागीय आयुक्त कार्यालयाने सोलापूरच्या मुख्य कार्यकारी अधिकाऱ्यांना (CEO) पत्र पाठवले आहे.
संबंधित गटविकास अधिकाऱ्यावर तात्काळ कारवाई करून त्याचा सविस्तर अहवाल सादर करण्याचे आदेश देण्यात आले आहेत.
”शासकीय नियमांचा भंग करून जनतेचा वेळ वाया घालवणाऱ्या अधिकाऱ्यांना पाठीशी घातले जाऊ नये. शिस्तभंगाची कारवाई करून प्रशासनाने एक आदर्श घालून द्यावा, समाधान हेंबाडे यांची आग्रही मागणी.
आता सर्वांचे लक्ष याकडे लागले आहे की, विभागीय आयुक्तांच्या या आदेशानंतर जिल्हा प्रशासन संबंधित वादग्रस्त अधिकाऱ्यावर नेमकी काय आणि किती कठोर कारवाई करणार?
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
