टीम मंगळवेढा टाईम्स।
कारखान्यास उस घालवताना शेतकऱ्यांची जी हेळसांड झाली त्यामुळे शेतकरी अक्षरशः रडकुंडीला आला . ऊस उत्पादक शेतकऱ्यांना वेळेवर बिले नाहीत, कामगारांच्या पगारी नाहीत,
कारखाना नफ्यात यायच्या ऐवजी तोट्यात गेला आहे. २० कारखान्याएवढा मोठा उद्योग असतानाही पोट न भरलेल्या आ.आवताडे साखर ,भंगारात डल्ला मारला.
शेतकऱ्यांच्या घामातून आलेल्या उसाची खोटी रिकव्हरी दाखवून साखरेची काळ्या बाजारात विक्री करण्याचे पाप केले.
आ.आवताडे यांनी शेतकऱ्यांच्या रक्ताचा घोट घेतला आहे त्यांच्या भ्रष्टाचारी व स्वार्थी वृत्तीने दामाजी रसातळाला गेला आहे. असा घणाघात नियोजन मंडळाचे सदस्य अजित जगताप यांनी केला.
समविचारी आघाडीच्या उमेदवाराच्या प्रचारार्थ खुपसंगी, जुनोनी, गोणेवाडी, लेंडवेचिंचाळे, शिरसी, नंदेश्वर, भोसे, महमदाबाद हु., लोणार, पडोळकरवाडी, रेवेवाडी, मानेवाडी, हुन्नुर येथे सभा घेण्यात आल्या यामध्ये ते बोलत होते.
यावेळी ऍड नंदकुमार पवार, दामोदर देशमुख,संजय कट्टे,शिवानंद पाटील, प्रकाश गायकवाड, औदुंबर वाडदेकर,शशिकांत बुगडे, भिवा दोलतोडे, तानाजी काकडे, बसवराज पाटील,गौडाप्पा बिराजदार,
आप्पासाहेब चोपडे,तानाजी खरात,कल्याण रोकडे,, दादा गरडे, अशोक चौडे, भारत पाटील, , दादा दोलतोडे, अशोक चौडे ,
शिवाजीराव नागणे,पांडुरंग भाकरे, कांतीलाल ताटे, दौलतराव माने आदी उपस्थित होते.
दक्षिण भागातील मतदारांनी पोटनिवडणुकीत कमी मते दिली म्हणून भोसे पाणीपुरवठा योजना बंद पडण्याचे पाप आ.आवताडे यांनी केले.
सत्ताधाऱ्यांनी सभासद शेतकरी व कामगारांच्या हिताचा खोटा बुरखा पांघरून सहा वर्षे कारभार केला शेतकऱ्यांची कामधेनु असणाऱ्या दामाजी कारखान्यात चेअरमन झाल्यापासून आ.आवताडे यांनी शेतकरी हिताचे कोणते निर्णय घेतले त्याचा जाहीर खुलासा करावा.
जाहीरनाम्यातील १९ आश्वासने त्यांनी पूर्ण न करता सभासदांची फसवणूक केली. कामगारांचे कारखान्याकडील साडेतीन कोटी रुपये न दिल्याने कामगारांची पतसंस्था बंद पाडली.
यामुळे हजारो कामगार देशोधडीला लागले. १९ हजार ५०० सभासदांना नोटीसा देऊन वगळण्याचा डाव रचला. २५०० सभासदांना पटापट कमी केले आ.समाधान आवताडे याची दामाजी कारखान्यात हिटलरपेक्षा पेक्षा मोठी हुकूमशाही आहे.
सोन्याचे अंडे देणारी कोंबडी कापून खाण्याचा उद्योग आवताडे आणि कंपनीने केला आहे. हजारोचा रोजगार व लाखो लोकांच्या उपजीविकेचा आधार असलेल्या दामाजीला जपायला हवे होते मात्र त्यांनी कारखान्याचे वाटोळे केले.
सत्ताधाऱ्यांचा अप्रमाणिकपणा, गैरव्यवस्थापन, भ्रष्टाचारी वृत्ती या प्रमुख कारणामुळे दामाजी कारखाना मोडकळीस येत आहे याचा फटका सर्वसामान्य शेतकरी, सभासदांना कामगारांना बसत आहे असा आरोप अजित जगताप यांनी केला.
मतदारांनी धडा शिकवावा
काहीही काम नाही केले तरी पैशाच्या जीवावर निवडणूका जिंकता येतात हे खुळ आ.समाधान आवताडे यांच्या डोक्यात आहे. ते खूळ कायमचे काढून टाकण्यासाठी या निवडणुकीत मतदारांनी धडा शिकवावा.
पैशाचा उन्माद आसल्याने मतदारांना विकत घेण्याच्या वृत्तीला सभासद धडा शिकवतील .
दामाजी साखर कारखान्यात हुकुमशाही पद्धतीने कारभार चालला असून तो मोडून काढून कारखाना सभासदांच्या मालकीचा होण्यासाठी या निवडणुकीत सत्ताधारी गटाला त्याची जागा दाखवावी असा घणाघात पैलवान अशोक चौंडे यांनी केला.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
