टीम मंगळवेढा टाईम्स ।
श्री.संत दामाजी सहकारी साखर कारखान्याचा रंगसंग्राम अंतिम टप्प्यात येत असताना विरोधकांना धक्का देत आमदार आवताडे गटात अनेक दिग्गज नेत्यांनी पाठिंबा देत आहेत.
ग्रामीण भागात तळागाळापर्यंत जाऊन काम करणारे हे नेते आज आवताडे गटासोबत आल्याने येणाऱ्या काळात निश्चितच सर्वसामान्यांचे प्रश्न मार्गी लागणार असल्याची भावना व्यक्त केली जात आहे.
सोलापूर जिल्ह्याचे राष्ट्रवादी उपाध्यक्ष संजय (काका) पाटील, ब्रह्मपुरी गावचे विकास पुजारी , राष्ट्रवादी ओबीसी सेलचे तालुकाध्यक्ष चेतन पुजारी यांनी जाहीर पाठिंबा दिला आहे.
त्याचबरोबर प्रहार संघटनेचे तालुकाध्यक्ष राजकुमार स्वामी, महेश तळके, अमोगसिध्द काकणगी, महेश क्षीरसागर, व माजी तंटामुक्त अध्यक्ष ओगेप्पा मलकरी यांनी जाहीर पाठिंबा दिला आहे.
संजय पाटील बोलताना म्हणाले की, सध्या कारखाना आमदार समाधान आवताडे यांच्या मार्गदर्शनाखाली सुसाट सुरू आहे. आतापर्यंत चेअरमन आवताडे यांनी कारखान्यावरील अनेक कोटींचे कर्ज फेडले आहे. ही निवडणूक पक्षीय निवडणूक नसून स्थानिक स्वराज्य संस्था टिकवण्यासाठी आम्ही पाठिंबा दिला आहे.
राज्यात भाजप-सेनेची आत्ता असल्यामुळे येणाऱ्या काळात कारखाना कर्जमुक्त होणार हे तर निश्चितच झाले आहे. शिवाय डिसलरी प्रकल्प देखील सुरू होणार असल्यामुळे शेतकरी सभासदांना अजून चांगला दर देता येणार असल्याचे त्यांनी सांगितले.
राजकुमार स्वामी म्हणाले की, आमदार समाधान आवताडे यांची विरोधकांनी धास्ती घेतली आहे. एवढा मोठा माणूस शेतकरी सभासदांच्या हितासाठी झटत आहे. हे सर्वांना माहिती आहे.
प्रहार जनशक्ती तालुका अध्यक्ष राजकुमार स्वामी यांच्या नेतृत्वाखाली शेकडो कार्यकर्ते व शेतकरी यांच्या उपस्थितीत सिद्धापुर येथे जाहीर पाठिंबा देण्यात आला.
दामाजी पंतांनी शेतकऱ्यांसाठी धान्याचं कोठार मोकळं केलं त्यावेळी बिज्जल सरकारनं त्यांना बोलावणं धाडल त्या वेळी श्री विठ्ठल दामाजी पंतांसाठी धावून आले.
आज रोजी गेल्या सहा वर्षांत कारखाना बंद पडू न देता सुरळीत पने चालवला.
आज ही दामाजी कारखान्याची वाटचाल बेताची आहे.
दामाजी कारखान्याच्या पाठीशी श्री विठ्ठला प्रमाणे खंबीरपणे उभे राहून कारखाना महाराष्ट्रात एक नंबर वरती आणण्यासाठी प्रयत्न करावा. तसेच माझ्या ऊस उत्पादकाला चांगला दर देण्यासाठी प्रयत्न करावा अशी भावना त्यांनी व्यक्त केली.
सध्या श्री.संत दामाजी शेतकरी विकास आघाडीचे प्रचार दौरे सुरू आहेत. या दौऱ्यात गावातील नेतेमंडळी व नागरिक उस्फुर्तपणे पाठिंबा देत आहेत. त्यामुळे आवताडे गटाचे पारडे जड मानले जात आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज