टीम मंगळवेढा टाईम्स ।
पंतप्रधान नरेंद्र मोदी यांनी देशवासियांना केलेल्या इंधन बचतीच्या आवाहनाला मंगळवेढा पंचायत समितीच्या सभापती दीपाली आनंद ताड यांनी अनोख्या पद्धतीने प्रतिसाद दिला आहे.
सोमवारपासून त्या आपल्या निवासस्थान असलेल्या पाठकळ ते पंचायत समिती असा प्रवास स्वतःच्या वाहनाने न करता एसटी बसने (लालपरी) करणार आहेत.
आवाहनाला कृतीची जोड
देशातील वाढता इंधन वापर आणि पर्यावरण संवर्धन लक्षात घेता पंतप्रधानांनी इंधन बचतीचे आवाहन केले होते. या आवाहनाकडे केवळ एक संदेश म्हणून न पाहता, त्याची प्रत्यक्ष अंमलबजावणी करण्याचा निर्णय सभापतींनी घेतला आहे. त्यांच्या या निर्णयामुळे सर्वसामान्यांमध्ये सकारात्मक संदेश जात असून प्रशासकीय वर्तुळातही त्यांचे कौतुक होत आहे.
लोकसंपर्कावर भर: ८१ गावांचा दौरा
केवळ बस प्रवासच नव्हे, तर सभापती दीपाली ताड यांनी तालुक्यातील ८१ गावांचा झंझावाती दौरा आखला आहे. पदभार स्वीकारल्यापासूनच आपल्या ‘रोखठोक’ कार्यपद्धतीमुळे चर्चेत असलेल्या ताड यांनी आता थेट जनतेच्या दारात जाऊन समस्या जाणून घेण्याचे ठरवले आहे.
प्रलंबित कामांचा निपटारा:
नागरिकांच्या प्रलंबित कामांचा पाठपुरावा करणे, अडचणींचे निराकरण, गावपातळीवरील समस्या समजून घेऊन त्यावर तातडीने उपाययोजना करणे कामे तातडीने करत आहेत.
प्रवाशांच्या समस्याही मला जवळून समजतील
”पंतप्रधानांनी इंधन बचतीचे केलेले आवाहन ही काळाची गरज आहे. एक लोकप्रतिनिधी म्हणून मी स्वतःपासून याची सुरुवात करत आहे. एसटी प्रवासातून सर्वसामान्य प्रवाशांच्या समस्याही मला जवळून समजतील.” — दीपाली आनंद ताड, सभापती, पं. स. मंगळवेढा
आपल्या डॅशिंग कार्यशैलीमुळे नेहमीच चर्चेत राहणाऱ्या सभापतींच्या या ‘एसटी’ सफारीमुळे मंगळवेढ्यात नवी चर्चा रंगली असून, एका लोकप्रतिनिधीने घेतलेला हा निर्णय इतरांसाठी नक्कीच प्रेरणादायी ठरेल.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
