टीम मंगळवेढा टाईम्स ।
सोलापूर शहर व ग्रामीणमध्ये संशयितांचे टेस्टिंग कमी असतानाही कोरोनाचे रुग्ण मोठ्या प्रमाणावर आढळत आहेत. शुक्रवारी संपूर्ण २ हजार २७४ संशयितांमध्ये ४०९ जण पॉझिटिव्ह आढळले आहेत.
त्यात शहरातील १७७ तर ग्रामीणमधील २३२ जणांचा समावेश आहे. पंढरपूर , बार्शी व माढा या तालुक्यांमध्ये सर्वाधिक सक्रिय रुग्ण आहेत.
शहरातील २६ प्रभागांमध्ये सध्या ८०८ सक्रिय रुग्ण असून त्यात प्रभाग पाच , सात, आठ, नऊ, १४, २३, २५ या प्रभागांमध्ये प्रत्येकी ३० पेक्षा अधिक सक्रिय रुग्ण आहेत.
चिंतेची बाब म्हणजे प्रभाग १५, २१ आणि २४ या ठिकाणी सर्वाधिक सक्रिय रुग्ण असल्याची नोंद महापालिकेच्या आरोग्य विभागाकडे झाली आहे.
ग्रामीणमध्ये सध्या बार्शी तालुक्यात सर्वाधिक २१६, पंढरपूर तालुक्यात १२१ आणि माढा तालुक्यात १०३ सक्रिय रुग्ण आहेत.
तसेच माळशिरस तालुक्यात ६५, मंगळवेढ्यात ५१, दक्षिण सोलापूर तालुक्यात ४९, मोहोळ व करमाळा तालुक्यात प्रत्येकी ४२, सांगोल्यात ३०
तर अक्कलकोट तालुक्यात २९ आणि उत्तर सोलापूर तालुक्यात १३ सक्रिय रुग्ण आहेत. ग्रामीणमध्ये सध्या ७६३ सक्रिय रुग्ण आहेत.
दिलासादायक बाब म्हणजे प्रतिबंधित लसीकरणामुळे बहुतेक रुग्ण होम आयसोलेशनच्या माध्यमातून घरीच उपचार घेत आहेत.
जिल्हा आरोग्य अधिकारी सह सिव्हिलचे ४१ डॉक्टर कोरोनाबाधित
कोरोनाच्या पहिल्या व दुसऱ्या लाटेत रुग्णांना जीवनदान देणारी यंत्रणा म्हणून छत्रपती शिवाजी महाराज सर्वोपचार रुग्णालय व जिल्हा परिषदेच्या आरोग्य विभागाने प्रभावी काम केले.
ओमिक्रॉन / तिसऱ्या लाटेच्या सुरुवातीलाच जिल्हा आरोग्य अधिकारी डॉ. शितलकुमार जाधव यांच्यासह सर्वोपचार रुग्णालयात ४१ डॉक्टर कोरोनाबाधित झाले आहेत.
या सर्वांची प्रकृती व्यवस्थित असून काही जणांवर रुग्णालयात उपचार सुरू आहेत तर काही जणांना होम आयसोलेशनमध्ये ठेवण्यात आले आहे.
शिवाजी महाराज सर्वोपचार रुग्णालयातील ४१ डॉक्टर आणि नर्स असे एकूण ४६ जण कोरोनाबाधित आढळले आहेत. जिल्हा परिषदेतील आरोग्य विभागात काम करणारे सातजण कोरोनाबाधित झाले आहेत.
जिल्हा परिषदेच्या आरोग्य विभागातील प्रशासकीय अधिकारी , समुदाय आरोग्य अधिकारी , आरोग्य विस्तार अधिकारी , दोन कनिष्ठ सहाय्यक कोरोनाबाधित आढळले आहेत.
माध्यमिक जिल्हा परिषदेच्या मुख्यालयात शिक्षण, आरोग्य विभाग व प्राथमिक शिक्षण विभाग एकाच इमारतीत आहे. प्राथमिक शिक्षण विभागातील तीन कर्मचारी कोरोनाबाधित आढळले आहेत.
निर्बंध लावल्यानंतरही जिल्हा परिषद , जिल्हाधिकारी कार्यालयसह या सर्वच शासकीय कार्यालयांमध्ये सर्वसामान्यांची नेहमीप्रमाणेच वर्दळ दिसत आहे.(स्रोत:सकाळ)
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
