टीम मंगळवेढा टाईम्स ।
मंगळवेढा राष्ट्रवादीच्या तालुका काँग्रेस अध्यक्षपदी पी.बी पाटील यांची निवड करण्यात आली तर राष्ट्रवादी काँग्रेस पार्टीच्या वरिष्ठ जिल्हा उपाध्यक्षपदी तानाजी काकडे तालुका कार्याध्यक्षपदी बसवराज पाटील यांची निवड करण्यात आली आहे.
सोलापूर जिल्हा राष्ट्रवादी काँग्रेस पार्टीचे अध्यक्ष बळीरामकाका साठे यांनी यांनी निवड केली आहे.
मध्यंतरी मंगळवेढा तालुका शहर राष्ट्रवादीत अंतर्गत गटबाजी व वादामुळे राष्ट्रवादीची तालुका व शहर कार्यकारणी बरखास्त करण्यात आली होती . सोलापूर जिल्हा राष्ट्रवादी काँग्रेसचे जिल्हाध्यक्ष बळीरामकाका साठे यांनी वरिष्ठ नेत्यांसोबत चर्चा करून आता नवीन कार्यकारणी जाहीर केली आहे.
त्यामुळे मंगळवेढा तालुक्यात राष्ट्रवादी पक्षात राष्ट्रवादी नेते भगिरथ भालके व रतनचंद शहा सहकारी बँकेचे चेअरमन राहूल शहा यांचे वर्चस्व पुन्हा एकदा सिद्ध झाले आहे.
आगामी नगरपरिषद व जिल्हा परिषद निवडणुकीत पक्षाची नवीन बांधणी महत्वाची ठरणार आहे. राष्ट्रवादीचे नूतन तालुकाध्यक्ष पी.बी पाटील, वरिष्ठ उपाध्यक्ष तानाजी काकडे व तालुकाध्यक्ष कार्याध्यक्ष बसवराज पाटील यांचे
राष्ट्रवादी नेते भगिरथ भालके, रतनचंद शहा सहकारी बँकेचे चेअरमन राहूल शहा, राष्ट्रवादी काँग्रेस ओबीसी सेलचे प.महाराष्ट्र प्रभारी लतिफ तांबोळी, राष्ट्रवादीचे रामेश्वर मासाळ, माजी नगरसेवक अरूण किल्लेदार यांनी अभिनंदन केले.
राष्ट्रवादीच्या शहराध्यक्षपदी चंद्रशेखर कौंडूभैरी तर शहर कार्याध्यक्षपदी नागन्नाथ राऊत
मंगळवेढा शहर राष्ट्रवादी काँग्रेस पार्टीच्या अध्यक्षपदी माजी नगरसेवक चंद्रशेखर कौंडूभैरी यांची तर मंगळवेढा कार्याध्यक्षपदी नागन्नाथ राऊत यांची निवड करण्यात आली आहे.
सोलापूर जिल्हा राष्ट्रवादी काँग्रेस पार्टीचे अध्यक्ष बळीराम काका साठे यांनी यांनी निवड केली आहे.
मध्यंतरी मंगळवेढा तालुका व शहर राष्ट्रवादीत अंतर्गत गटबाजी व वादामुळे राष्ट्रवादीची तालुका व शहर कार्यकारणी बरखास्त करण्यात आली होती.
सोलापूर जिल्हा राष्ट्रवादी काँग्रेसचे जिल्हाध्यक्ष बळीरकाका साठे यांनी वरिष्ठ नेत्यांसोबत चर्चा करून आता नवीन कार्यकारणी जाहीर केली आहे.
त्यामुळे मंगळवेढा तालुक्यात राष्ट्रवादी पक्षात राष्ट्रवादी नेते भगिरथ भालके व रतनचंद शहा सहकारी बँकेचे चेअरमन राहूल शहा यांचे वर्चस्व पुन्हा एकदा सिद्ध झाल्याने शहरात राष्ट्रवादीची मोर्चेबांधणी मजबूत होणार आहे.
आगामी नगरपरिषद व जिल्हा परिषद निवडणुकीत राष्ट्रवादी पक्षाची नवीन बांधणी महत्वाची ठरणार आहे.
राष्ट्रवादीचे नूतन शहराध्यक्ष चंद्रशेखर कौंडूभैरी व शहर कार्याध्यक्ष नागनाथ राऊत यांचे राष्ट्रवादी नेते भगिरथ भालके, रतनचंद शहा सहकारी बँकेचे चेअरमन राहूल शहा, राष्ट्रवादी काँग्रेस ओबीसी सेलचे प. महाराष्ट्र प्रभारी लतिफ तांबोळी, राष्ट्रवादीचे रामेश्वर मासाळ, नगराध्यक्ष अरूणा माळी, माजी नगरसेवक अरूण किल्लेदार यांनी अभिनंदन केले.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
