कौतुकास्पद! मंगळवेढ्यातील बांधकाम विभागाचे प्रभारी उपअभियंता नंदकुमार कोष्टी यांना जिल्हा परिषदेचा ‘आदर्श अभियंता पुरस्कार’ जाहीर

टीम मंगळवेढा टाईम्स ।

मंगळवेढा जिल्हा परिषद बांधकाम विभागातील प्रभारी उपअभियंता नंदकुमार कोष्टी यांना जिल्हा परिषदेचा आदर्श अभियंता पुरस्कार जाहीर झाल्याबद्दल त्यांचे सर्वत्र अभिनंदन होत आहे.

बांधकाम विभागांतर्गत रस्ते, पूल, विविध विभागांच्या इमारती व इतर सार्वजनिक बांधकामे करण्यात येतात. कामे करताना व प्रकल्प राबविताना जे तांत्रिक कौशल्य पणाला लागते आणि ज्यामुळे अशा अभियंत्यांची सेवा समाजाला भविष्यात फायद्याची ठरते, अशा अभियंत्यांचे प्रशासकीय तसेच तांत्रिक कौशल्य लक्षात घेऊन त्यांचा वैयक्तिक पुरस्कार देऊन गौरव करण्यात येतो.

लक्ष्मी दहिवडीचे सुपुत्र व जिल्हा परिषद बांधकाम विभाग मंगळवेढा येथील प्रभारी उपअभियंता नंदकुमार कोष्टी यांना सोलापूर जिल्हा परिषदेचा 2022-23 चा ‘आदर्श अभियंता पुरस्कार’ जाहीर झाला आहे.

सदर पुरस्काराचे वितरण उद्या अभियंता दिनी 15 सप्टेंबर 2023 रोजी सोलापूर येथील यशवंतराव चव्हाण सभागृह जिल्हा परिषद सोलापूर येथे मुख्य कार्यकारी अधिकारी मनीषा आव्हाळे, अतिरिक्त मुख्य कार्यकारी अधिकारी संदीप कोहिनकर, कार्यकारी अभियंता बांधकाम खराडे, कुलकर्णी साहेब यांच्या प्रमुख उपस्थित प्रदान करण्यात येणार आहे.

नंदकुमार कोष्टी यांचे सर्वत्र अभिनंदन होत आहे. त्यांची जिल्हा परिषदेकडे 33 वर्षे सेवा झाली असून त्यांनी केलेल्या योग्य कामाची पावती त्यांना पुरस्काराच्या माध्यमातून मिळाली आहे.

नंदकुमार कोष्टी एक कर्तव्यतत्पर अधिकारी अशी त्यांची ओळख आहे. अत्यंत चांगली व नियोजनबध्द कामगिरी करत या विभागाची शान राखली आहे. जातीनीशी प्रसंगी रात्री अपरात्री काम करून महत्वाची भूमिका बजावली आहे. त्यामुळे प्रामाणिकपणे आणि कर्तव्य भावनेतुन काम करणारे अभियंता अशी त्यांची प्रतिमा आहे.

त्यांच्या या कार्यपध्दतीमुळे त्यांनी या भागातील जनतेतही आपले स्थान निर्माण केले आहे. त्यांच्या या चांगल्या कार्याची दखल घेत शासनाने त्यांना यावर्षीचा आदर्श अभियंता पुरस्कार जाहिर केला आहे.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.