राष्ट्रवादीचा पराभव करणाऱ्या समाधान आवताडेंचा भाजप कार्यकारिणीत सत्कार; जनतेला महाविकासआघाडी मान्य नाही

टीम मंगळवेढा टाईम्स ।

मंगळवेढा-पंढरपूर विधानसभा पोटनिवडणुकीत राष्ट्रवादी काँग्रेसला अस्मान दाखवून भारतीय जनता पक्षाला प्रथमच या मतदारसंघात विजय मिळवून देणारे आमदार समाधान आवताडे यांचा भाजप प्रदेश कार्यकारिणीच्या बैठकीत सत्कार करण्यात आला.

ही निवडणूक जिंकून भाजपचे अनेक हेतू साध्य झाल्याने मंगळवेढा-पंढरपूरमधील विजयाला पक्षाच्या दृष्टीने मोठे महत्त्व आहे.

भारतीय जनता पक्षाची राज्य कार्यकारिणीची बैठक मुंबईतील वसंत स्मृती भवनात गुरुवारी पार पडली.

या कार्यकारिणीत माजी मुख्यमंत्री तथा विरोधी पक्षनेते देवेंद्र फडणवीस, भाजपचे प्रदेशाध्यक्ष चंद्रकांत पाटील यांनी भाजप महाराष्ट्र कार्यकारिणीच्या वतीने आमदार आवताडे यांचा सत्कार केला.

यावेळी खासदार रणजितसिंह नाईक – निंबाळकर,खा.जयसिध्देश्वर महास्वामी, आ.प्रशांत परिचारक, माजी सहकारमंत्री हर्षवर्धन पाटील, आमदार रणजितसिंह मोहिते-पाटील,आमदार राहुल कुल, आमदार जयकुमार गोरे, श्रीकांत भारतीय आदी उपस्थित होते.

महाविकास आघाडी सरकारच्या स्थापनेनंतर अवघ्या काही महिन्यांत आमदार भारत भालके यांच्या निधनानंतर रिक्त झालेली मंगळवेढा-पंढरपूरची पोटनिवडणूक राष्ट्रवादी काँग्रेससह महाविकास आघाडी सरकारने प्रतिष्ठेची केली होती.

या निवडणुकीसाठी राज्याचे उपमुख्यमंत्री अजित पवार यांच्या अनेक मंत्री प्रचाराच्या निमित्ताने पंढरपूर-मंगळवेढा परिसरात ठाण मांडून होते. विशेषता ग्रामीण भागात देखील त्यांनी सभा घेतल्या.

भारतीय जनता पक्षात गेलेल्या अनेक नेत्यांचे राष्ट्रवादीत प्रवेशदेखील केल्याने राष्ट्रवादीचे पारडे जड झाले होते. भाजप नेत्यांनी मात्र प्रयत्न न सोडता निकाराने झुंज दिली.

आमदर प्रशांत परिचारक आणि समाधान आवताडे यांच्यामध्ये समेट घडवून आणली. परिचारकांची ताकद आवताडे यांच्या पाठीशी उभी केली. राज्यातील जनतेला 2019 च्या विधानसभा निवडणुकीनंतर झालेली महाविकासआघाडी मान्य नाही. जनतेचा रोष त्यांच्या विरोधात आहे, हे दाखविण्यासाठी भाजपनेदेखील कंबर कसली.

राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 99 70 76 6262 हा आमचा नंबर.