टीम मंगळवेढा टाईम्स ।
मनोहर मामा भोसले (रा. उंदरगाव, ता. करमाळा, जि. सोलापूर) याला करमाळा न्यायालयाने 7 दिवसांची पोलीस कोठडी सुनावली होती.
त्यामुळे 27 सप्टेंबरपर्यंत त्यांना पोलीस कोठडीत ठेवण्यात आले होते. मात्र, मंगळवारी न्यायाधीश आर. ए. शिवरात्री यांच्यासमोर हजर करून त्यास आणखी 7 दिवसाची पोलीस कोठडीची मागणी केली.
कोर्टाने मनोहर मामाला 1 ऑक्टोबरपर्यंत पोलीस कोठडी सुनावली.दरम्यान, मनोहर मामाकडे जमा झालेल्या 44 लाख रुपयांचे अकाऊंट सील केलंय.
ही रक्कम कुठून व कशी आणली, याचा तपास करण्यासाठी पीआय सूर्यकांत कोकणे यांनी त्यांची पोलीस कोठडीची मागणी केली आहे.
महिलेवर झालेल्या अत्याचार प्रकरणात करमाळा पोलिसात मनोहरमामा अटकेत आहेत. गुरूवारी रात्री 11.30 वाजण्याच्या सुमारास मनोहर भोसले यांच्या छातीत दुखु लागल्याने उपचारासाठी रुग्णालयात पाठवले आहे. त्यानंतर रुग्णालयातून डिचार्ज मिळाल्यानंतर त्यांना परत कोर्टात हजर करण्यात आले.
दरम्यान, फिर्यादीला जी चिठ्ठी दिली होती, त्यातील हस्ताक्षर व मनोहरमामा भोसले याचे हस्ताक्षर याचा तपास करायचा आहे.
तसेच कपड्यांचीही तपासणी करायची असून, इतर आरोपींनाही अटक करायची आहे. अशाप्रकारे 14 कारणे सांगून पोलीस कोठडीची मागणी केली आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज