मंगळवेढा टाईम्स न्युज नेटवर्किंग ।
महाराष्ट्राच्या कुस्ती विश्वाचे लक्ष लागून राहिलेल्या 52 व्या हिंदकेसरी कुस्ती स्पर्धेच्या अंतिम सामन्यात नाट्यमय घडामोड पाहायला मिळाली.
पैलवान महेंद्र गायकवाड आणि पैलवान पृथ्वीराज मोहोळ यांच्यात अंतिम लढत सुरू असतानाच पृथ्वीराज मोहोळ याला दुखापत झाल्याने त्याला सामना अर्धवट सोडावा लागला. त्यामुळे महेंद्र गायकवाड याने 52 व्या हिंदकेसरी स्पर्धेचा किताब पटकावला. यावेळी मोठा राडा झाल्याचं देखील पहायला मिळालं.
हात मोडल्याचा आवाज अन् कुस्ती थांबवली
हिंद केसरीच्या फायनलच्या सुरुवातीलाच दोन्ही पैलवानांकडून आक्रमक खेळी पहायला मिळाली. यावेळी महेंद्र गायकवाड याने पृथ्वीराज मोहोळ याचा हात पकडून जोरदार डाव टाकला. पहिल्या डावानंतर पृथ्वीराजला दोन पाईंट्स मिळाले.
या झटापटीत पृथ्वीराज मोहोळ याच्या हाताला दुखापत झाली. पंचांना हात मोडल्याचा आवाज देखील आला होता.
दुखापत गंभीर असल्याचं लक्षात आल्यानंतर काही काळासाठी कुस्ती थांबवण्यात आली. वैद्यकीय तपासणीनंतर पृथ्वीराज मोहोळ याने सामना पुढे खेळणं शक्य नसल्याचं सांगत माघार घेतली.
पाहा Video
पृथ्वीराज कुस्तीसाठी पुन्हा मैदानात
पृथ्वीराजने यावेळी हिंमत दाखवली. एक हात तुटला असताना देखील त्याने मैदानात उतरण्याचं धाडस दाखवलं. पण पंचांनी त्याला रोखलं अन् तु खरंच कुस्ती करू शकतो का? असं विचारलं.
त्यावर पृथ्वीराज कुस्तीसाठी तयार झाला पण आम्हाला दोन्ही लेकरं सारखी आहे. दुखापत असेल तर कुस्ती करू नका असा सल्ला पंचांनी दिल्यानंतर पृथ्वीराजने माघार घेतली. यावेळी पृथ्वीराज महेंद्र गायकवाडवर भडकल्याचं देखील दिसलं.
महेंद्र गायकवाड याला विजयी घोषित
दरम्यान, यानंतर पंचांनी महेंद्र गायकवाड यांना विजयी घोषित केलं. विजयाची घोषणा होताच मैदानात उपस्थित प्रेक्षकांकडून जल्लोष करण्यात आला.
महेंद्र गायकवाड याच्या या विजयामुळे त्यांच्यावर अभिनंदनाचा वर्षाव होत असून, हिंदकेसरी किताब त्याच्या नावावर जमा झाला आहे. तर दुसरीकडे पृथ्वीराज मोहोळ याच्या दुखापतीमुळे त्याच्या चाहत्यांमध्ये हळहळ व्यक्त केली जात आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
