सोलापूर : मुलास नोकरीचे आमिष, वर्गमित्रानेच 10 लाखाला गंडवले

टीम मंगळवेढा टाईम्स । मुलास नोकरी लावतो म्हणून वर्गमित्र शिवशंकर रामपुरे यांना 9 लाख 77 हजारांची टोपी घातल्याप्रकरणी किसन माणिकराव पोतदार (रा. थोबडेनगरसमोर, दहिटणे रोड) याच्याविरूध्द गुन्हा दाखल झाला आहे.

तालुका दक्षिण सोलापूर येथील धोत्री गावात राहणारे शिवशंकर बसप्पा रामपुरे (वय 67) व किसन माणिकराव पोतदार (रा. थोबडेनगरसमोर, दहिटणे रोड) हे दोघे वर्गमित्र आहेत. शिवशंकर रामपुरे हे महसूल खात्यातून सेवानिवृत्त झाल्यानंतर कामानिमित्त जिल्हा परिषदेत जात होते. 1 सप्टेंबर 2014 रोजी 10 वाजण्याच्या सुमारास जिल्हा परिषदेत गेले होते.

तेव्हा त्यांना त्यांचा वर्गमित्र किसन पोतदार हा भेटला.पोतदार याने रामपुरे यांना तुझी मुले काय करतात, असे विचारले. तेव्हा रामपुरे यांनी एका मुलाचे शिक्षण पूर्ण झाले आहे व तो नोकरीच्या शोधात आहे, असे सांगितले.

पोतदार याने रामपुरे यांना व्यवसाय शिक्षण व प्रशिक्षण संचलनालय महाराष्ट्र, मुंबई यांच्याकडून गट ‘क’ व गट ‘ब’ या पदाकरिता जागा निघाल्या आहेत, असे सांगितले. वर्तमानपत्रातील जाहिरात दाखवून मुलास कनिष्ठ लिपीक पदावर ऑनलाईन अर्ज भरण्याबाबत सांगितले व पुढील काम मी करतो, अशी हमी दिली.

त्याप्रमाणे रामपुरे यांच्या मुलास हॉल तिकीट आल्याची माहिती रामपुरे यांनी पोतदार याला दिली. तेव्हा पोतदार याने फक्त पेपरला हजर राहा, मार्क कितीही पडू देत, बिनधास्त राहा, मी पदभरती संनियंत्रण समितीकडून लेखी, तोंडी परीक्षेमध्ये पास करून मुलाची ऑर्डर काढण्यास लावतो, अशी हमी देऊन 10 लाख रूपयांची मागणी केली.

रामपुरे यांनी अडचण सांगून 8 लाख रूपये 100 रूपयांच्या स्टँपपेपरवर पोतदार याच्याकडून कबुलनामा लिहून घेऊन पोतदार याला दिले. या परीक्षेत रामपुरे यांचा मुलगा हा नापास झाला. त्यामुळे रामपुरे यांच्या मुलास मुलाखतीसाठी बोलविण्यात आले नाही.

त्यामुळे रामपुरे यांना खात्री झाली की, पोतदार हा आपल्या मुलाचे काम करणार नाही. तेव्हा रामपुरे यांनी पोतदार याची प्रत्यक्ष अनेक वेळा भेट घेतली. तेव्हा पोतदार याने रामपुरे यांना सांगितले की, महाराष्ट्र शासनाकडून पदभरतीस स्थगिती आलेली आहे, स्थगिती उठल्यानंतर काम करतो. रामपुरे यांनी कबुलनाम्याप्रमाणे पैसे परत देण्यास पोतदार याला सांगितले. तेंव्हा पोतदार याने रामपुरे यांना 11 एप्रिल 2017 साली समर्थ सहकारी बँकेचा 9 लाख 76 हजार 548 रूपयांचा धनादेश रामपुरे यांच्या मुलाच्या नावे दिला. पण तो धनादेश वटला नाही.

त्यानंतर रामपुरे यांनी पोतदार याला वारंवार संपर्क साधला व पैसे परत देण्यास सांगितले. तेव्हा पोतदार याने उडवाउडवीची उत्तरे दिली. अशाप्रकारे पोतदार याने वर्गमित्र रामपुरे यांच्या मुलास नोकरी लावतो म्हणून 9 लाख 76 हजार 548 रूपयांची फसवणूक केली. अशा आशयाची फिर्याद शिवशंकर रामपुरे यांनी जोडभावी पेठ पोलिस ठाण्यात दाखल केली.

यावरून किसन माणिकराव पोतदार (रा. शहाणे वाडा, थोबडेनगरसमोर, दहिटणे रोड) याच्याविरूध्द गुन्हा दाखल झाला आहे. याचा पुढील तपास फौजदार दाईंगडे हे करत आहेत.

Solapur The lure of a job for a child was squandered by a classmate for Rs 10 lakh

राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 9561617373 हा आमचा नंबर.