टीम मंगळवेढा टाईम्स ।
मंगळवेढा तालुक्याचे नेते बबनराव आवताडे व विष्णूपंत आवताडे यांच्या मातोश्री स्व.जनाबाई बाबुराव आवताडे यांच्या तृतीय पुण्यस्मरणानिमित्त आज शनिवार दि.२१ सप्टेंबर रोजी धार्मिक कार्यक्रमाचे आयोजन केले आहे.
आज शनिवार दि.२१ सप्टेंबर रोजी खंडोबा गल्ली येथे सकाळी १०.०० वा. कर्जत येथील ह.भ.प. विकास महाराज देवडे यांचे किर्तन होणार असून
दुपारी १२.१५ वा. स्व.जनाबाई आवताडे यांच्या प्रतिमेवर पुष्पवृष्टी होईल. या कार्यक्रमास उपस्थित राहण्याचे आवाहन आवताडे परिवाराने केले आहे.
जरांगेंकडे सरकारचं दुर्लक्ष, ‘लाडकी बहीण’ योजनेचा कार्यक्रम उधळवून लावणार, सकल मराठा समाजाचा इशारा
मराठा समाजाला आरक्षण मिळावे यासाठी मनोज जरांगे पाटील पुन्हा उपोषणाला बसले आहेत. जरांगे पाटील सहाव्यांदा उपोषणाला बसले आहेत. त्यांच्या उपोषणाचा पाचवा दिवस आहे.
त्यांच्या उपोषणाकडे सरकार लक्ष देत नसल्याचा आरोप करत सोलापूरमधील सकल मराठा समाज आक्रमक झाला आहे. सोलापूरमध्ये होणारा ‘लाडकी बहीण’ योजनेचा कार्यक्रम उधळवून लावण्याचा इशारा सकल मराठा समाजाने दिला आहे.
मुख्यमंत्री एकनाथ शिंदेंचा सोलापूरमध्ये लाडकी बहीण योजनेचा कार्यक्रम होणार आहे. लाडकी बहीण योजनेचा हा कार्यक्रम उधळवून लावण्याचा इशारा सकल मराठा समाजाचे समन्वयक माऊली पवार यांनी दिला आहे.
‘मनोज जरांगे पाटील हे प्राणपणाने सहाव्यांदा उपोषणाला बसले असताना त्यांच्याकडे दुर्लक्ष करून सरकार कार्यक्रम घेत असेल तर तो कार्यक्रम आम्ही उधळून लावू. आरक्षणाच्या ज्वलंत प्रश्नाकडे दुर्लक्ष करून जर निर्लज्ज मनाने सरकार लाडकी बहीण योजनेचा कार्यक्रम घेत असेल तर हे योग्य नाही.’, असे मत माऊली पवार यांनी व्यक्त केले.
२५ सप्टेंबर रोजी सोलापूरात लाडकी बहीण योजनेच्या कार्यक्रमाचे आयोजन करण्यात आले आहे. या कार्यक्रमाला मुख्यमंत्री एकनाथ शिंदे यांच्यासोबत उपमुख्यमंत्री देवेंद्र फडणवीस आणि उपमुख्यमंत्री अजित पवार देखील हजेरी लावणार आहे. हा कार्यक्रम होण्यापूर्वीच सकल मराठा समाजाने त्याला तीव्र विरोध दर्शवला आहे. हा कार्यक्रम उधळवून लावण्याचा इशारा त्यांनी दिला आहे.
दरम्यान, मनोज जरांगे पाटील यांच्या उपोषणाचा आजचा तिसरा दिवस आहे. अशात आता ओबीसी आंदोलकांनी गणिमी काव्यानं अंतरवाली सराटीमध्ये उपोषण सुरु केले आहे. या दोनही उपोषणला भेट देण्यासाठी गर्दी होणार आहे.
त्यामुळं कायदा सुव्यवस्था अबाधित राहावी याकरिता पोलिसांनी अंतरवाली सराटीकडे जाणारा म्हणजे अंतरवाली फाट्यावर बॅरिकेट्स लावून रस्ता बंद केला.
दरम्यान आज ओबीसी आंदोलक लक्ष्मण हाके आणि नवनाथ वाघमारे हे देखील वडीगोद्री येथे थोड्याच वेळात आमरण उपोषणाला सुरुवात करणार आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
