मोठी बातमी! राज्यात ग्रामपंचायत निवडणुकीचे बिगुल वाजले; सोलापूर जिल्ह्यातील ७५८ ग्रामपंचायतींच्या प्रभाग रचनेला ‘या’ तारखेपासून सुरुवात

मंगळवेढा टाईम्स न्युज। 

सोलापूर जिल्ह्यातील तब्बल ७५८ ग्रामपंचायतींच्या सार्वत्रिक निवडणुकांची प्रक्रिया वेगाने सुरू झाली असून, २० फेब्रुवारीपासून प्रारूप प्रभाग रचना निश्चित करण्यास सुरुवात होणार आहे. ग्रामविकास खात्याने जिल्हाधिकाऱ्यांना याबाबत आदेश दिले आहेत.

संबंधित ग्रामपंचायतींच्या सदस्यांची मुदत फेब्रुवारी २०२६ मध्ये संपत असल्याने राज्य निवडणूक आयोगाच्या सूचनेनुसार प्रशासक नियुक्तीची प्रक्रियाही सुरू करण्यात आली आहे.

२० फेब्रुवारी रोजी तहसीलदारांना ‘गुगल अर्थ’च्या साहाय्याने गाव नकाशे तयार करण्याच्या सूचना देण्यात आल्या आहेत. २७ फेब्रुवारीपर्यंत तलाठी व ग्रामसेवक संयुक्त स्थळपाहणी करून प्रभाग सीमा निश्चित करणार आहेत.

५ मार्चपर्यंत तहसीलदारांच्या अध्यक्षतेखालील समितीकडून प्रारूप रचनेची तपासणी होईल. ११ मार्चपर्यंत अहवाल जिल्हाधिकाऱ्यांकडे, तर १७मार्चपर्यंत दुरुस्ती अभिप्राय राज्य निवडणूक आयोगाकडे पाठवला जाणार आहे.

३० मार्च रोजी सुधारित प्रारूप जाहीर होईल. ७ ते १३ एप्रिलदरम्यान नागरिकांकडून हरकती स्वीकारल्या जातील. २१ एप्रिलपर्यंत प्रांताधिकाऱ्यांकडे सुनावणी पूर्ण होऊन अंतिम अहवाल २८ एप्रिलपर्यंत आयोगाकडे सादर केला जाईल.

आयोगाच्या मान्यतेनंतर ४ मे रोजी अंतिम प्रभाग रचना प्रसिद्ध होणार आहे. दरम्यान, ५० ग्रामपंचायतींची मुदत २०२४ मध्येच संपली असून, उर्वरित ६५८ ग्रामपंचायतींची मुदत फेब्रुवारी २०२६ मध्ये संपत आहे. त्यामुळे जिल्ह्यात निवडणूक तयारीला वेग आला आहे.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज