मंगळवेढा टाईम्स न्युज नेटवर्क ।
उपवासादरम्यान भगरीच्या भाकरी खाल्ल्याने १२ जणांना विषबाधा झाल्याची घटना गेल्या दोन दिवसात घडली आहे. दक्षिण सोलापूर तालुक्यातील औज (आ.) येथे ही घटना घडली.
होटगी (ता. दक्षिण सोलापूर) येथील समर्थ ट्रेडर्स या किराणा दुकानातून भगरीचे तयार पीठ विकले जाते. परिसरातील नागरिकांनी येथून भगरीचे तयार पीठ विकत घेतले.
त्याच्या भाकरी करून खाल्ल्यानंतर काही वेळाने चक्कर येणे, मळमळ, डोळ्याला अंधारी, उलट्या, जुलाब अशी लक्षणे सुरू झाली. या सर्वांनी होटगी येथील एकाच दुकानातून भगरीचे पीठ खरेदी केलेले होते.
मंगळवारी यातील काही जणांना उलट्या जुलाबाचा त्रास सुरू झाल्यानंतर उपचारासाठी रुग्णालयात दाखल करण्यात आले.
काहींना रात्री त्रास सुरू झाला तर बाकीच्यांना बुधवारी सकाळी या भगरीच्या भाकरी खाल्ल्यानंतर त्रास सुरू झाल्याने उपचारासाठी दाखल करावे लागले.
या गावातील १२ जणांना हा त्रास झाल्याने वेगवेगळ्या रुग्णालयात दाखल करण्यात आले. उपचारानंतर त्यांना घरी सोडण्यात आले.
यातील मदप्पा शिदराया पाटील (वय ४५), त्यांची पत्नी सुजाता मदप्पा पाटील (वय ३५) यांना सोलापुरात उपचार करण्यात आले तर गंगाबाई सिल्याप्पा होनमाने, मलकारी व्हनमाने, भाग्यश्री व्हनमाने यांच्यावर होटगी स्टेशन प्राथमिक केंद्रात उपचार करण्यात आले.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
