संभाजी मस्के : टीम मंगळवेढा टाईम्स
मंगळवेढा तालुक्यातील खडकी येथे चार पायाचे कोंबडीचे पिल्लू जन्माला आल्याने परिसरात तो कुतुहलाचा विषय बनला आहे. कोंबडीच्या इतर पिल्लांबरोबर इकडून-तिकडे पाळणारे हे चार पायाचे पिल्लू सर्वांचे लक्ष वेधून घेत असून अनुवांशिक दोषामुळे घडलेला हा दुर्मिळातील दुर्मिळ प्रकार असंल्याचे पशुवैद्यकीय अधिकारी डॉ.गोविंद राठोड यांनी सांगितले.
याबाबतची माहिती अशी, खडकी येथील पद्मिनी रामचंद्र रणदिवे यांच्याकडे अनेक गावठी कोंबड्या असून तीन आठवड्यांपूर्वी त्यांनी घरच्या कोंबडीची २० अंडी खुडक्या कोंबडीखाली उबवत ठेवलेली होती.
कालपासून त्यातून पिल्ले बाहेर येण्यास सुरुवात झाली.आज सकाळी एका अंड्यातून चक्क चार पायाचे पिल्लू जन्माला आल्याचे पाहून रणदिवे कुटुंबियाना आश्चर्याचा धक्काच बसला.
ही बातमी गावात समजताच चार पायाचे कोंबडीचे पिल्लू बघायला कुतूहलापोटी ग्रामस्थांनी गर्दी केली. पिल्लाला पुढे दोन व पाठीमागे दोन पाय असून चारही पाय मजबूत आहेत. इतर पिल्लाबरोबर हेही पिल्लू दुडदूड धावत आहे.
दरम्यान ‘आनुवंशिक दोषातून हा प्रकार घडला असून ती एक दुर्मिळातील दुर्मिळ घटना आहे.चारही पाय सुस्थितीत असले आणि पिल्लू व्यवस्थित चालून-फिरून असेल तर ते जगुन मोठेही होऊ शकते. यापूर्वीही काही ठिकाणी अशा घटना घडलेल्या असल्याचे पशुसंवर्धन अधिकाऱ्यांनी सांगितले.
राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 99 70 76 6262 हा आमचा नंबर.
ब्रेकिंग बातम्या मोबाईलवर मिळवण्यासाठी आम्हाला 99 70 76 6262 या नंबरला WhatsApp करा आणि लिहा “Mangalwedha Times News”
विश्वसनीय ऑनलाईन पोर्टल ‘मंगळवेढा टाईम्स’ला बातम्या व जाहिरात देण्यासाठी आजच संपर्क करा : 75 88 214 814
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज