टीम मंगळवेढा टाईम्स।
श्री संत दामाजी सहकारी साखर कारखान्याच्या पंचवार्षिक निवडणुकीसाठी सत्ताधारी गटाला कपबशी तर समविचारी गटाला विमान चिन्ह मिळाले.
दरम्यान आमदार समाधान आवताडे हे आज माचनूर येथून सिद्धेश्वर मंदिरात नारळ फोडून प्रचाराचा शुभारंभ करणार आहेत.
सोमवारी उमेदवारी अर्ज माघारी घेतल्यानंतर तब्बल वीस जागांसाठी ४७ उमेदवारी अर्ज शिल्लक राहिले आहेत. सत्ताधारी आव्हान देण्यासाठी परिचारक व भालके गटातील कार्यकत्यांनी एकत्र येत समविचारी गट करून आव्हान दिले.
या गटातून अनेकांना थांबा पुढे विचार करू असे सांगत उमेदवारी अर्ज माघारी घेण्याबाबत आवाहन करण्यात आले. समविचारींकडून शिवानंद पाटील हे अध्यक्षपदाचा चेहरा असणार आहेत.
सत्ताधारी आमदार समाधान आवताडे यांनी पॅनेलचे उमेदवार निश्चित करताना जुन्या संचालकातील ११ जणांना डच्चू दिला. इतर मागासवर्गीय गटातून एक जागा विनविरोध करण्यात यश मिळविले.
मंगळवेढा गटात सत्ताधारी भाजप आमदारांविरोधात भाजप तालुकाध्यक्ष गौरीशंकर बुरकूल यांचे तर, ब्रह्मपुरी गटातील राजेंद्र सर्जेराव पाटील व राजेंद्र चरणूकाका पाटील,
मरवडे गटात माजी जिल्हा परिषद सदस्य शिवानंद पाटील यांच्यासमोर विद्यमान संचालक बसवेश्वर पाटील व माजी सभापती प्रदीप खांडेकर यांचे आव्हान आहे.
भोसे गटात दामाजीचे विद्यमान उपाध्यक्ष अंबादास कुलकर्णी यांच्यासमोर माजी संचालक बसवराज पाटील व भीवा दौलतडे,
आंधळगाव विद्यमान संचालक सुरेश भाकरे यांच्यासमोर दिगंबर भाकरे व राष्ट्रवादी तालुकाध्यक्ष पी.बी. पाटील यांचे आव्हान आहे.
संस्था मतदारसंघात पहिल्यांदा निवडणुकीला सामोरे जाणारे सिद्धेश्वर आवताडे यांच्यासमोर जगन्नाथ रेवे यांचे आव्हान आहे.
दोन मावस भावातील लढत लक्षवेधी ठरणार
ऊस उत्पादक गटाबरोबर भटक्या विमुक्त जाती जमाती मतदारसंघातील तानाजी खरात व विजय माने या दोन मावस भावातील लढत लक्षवेधी ठरणार आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज