शेतकऱ्यांना मोठा दिलासा! मोबाईलवरील ई-पीक पाहणीची डोकेदुखी मिटली; महसूल यंत्रणेवर जबाबदारी

मंगळवेढा टाईम्स न्युज नेटवर्किंग ।

शेतकऱ्यांना ई-पीक पाहणी करताना येणाऱ्या अडचणी लक्षात घेऊन शासनाने पीक पाहणी प्रक्रियेत महत्त्वाचा बदल केला आहे. यापुढे शेतकऱ्यांना स्वतः मोबाईलवरून ई-पीक पाहणी करण्याची आवश्यकता राहणार नसून महसूल विभागातील सहाय्यकांकडून शेतातील पिकांची नोंद केली जाणार आहे. त्यामुळे शेतकऱ्यांना मोठा दिलासा मिळणार आहे.

यापूर्वी शेतकऱ्यांना आपल्या शेतातील पिकांची अचूक नोंद करण्यासाठी ई-पीक पाहणी ॲपच्या माध्यमातून माहिती भरावी लागत होती.

मात्र, ग्रामीण भागात इंटरनेटची अडचण, मोबाईल हाताळणीतील अडथळे तसेच तांत्रिक समस्या यामुळे अनेक शेतकऱ्यांना पीक पाहणी करताना अडचणी येत होत्या.

नवीन पद्धतीनुसार आता महसूल विभागातील सहाय्यक शेतकऱ्यांच्या शेतात प्रत्यक्ष जाऊन पिकांची पाहणी करून नोंद करतील.

या नोंदीसाठी सेंट्रल डिजिटल क्रॉप सर्व्हे प्रणालीचा वापर केला जाणार आहे. त्यामुळे पीक नोंदणीची प्रक्रिया अधिक सुलभ आणि अचूक होण्याची अपेक्षा आहे.

दरम्यान, डिजिटल क्रॉप सर्व्हेच्या माध्यमातून पिकांची नोंद सहाय्यकांकडून केली जात असली तरी शेतकऱ्यांनी आपल्या शेतातील पिकांची माहिती अचूकपणे उपलब्ध करून देणे आवश्यक राहणार आहे.

नोंदणीच्या वेळी संबंधित पिकांची प्रत्यक्ष पाहणी करून त्याची माहिती प्रणालीमध्ये भरली जाणार आहे.

या निर्णयामुळे पीक नोंदणीसाठी शेतकऱ्यांना होणारी धावपळ कमी होणार असून महसूल विभागाची जबाबदारी वाढणार आहे. पीक पाहणीतील अचूकतेमुळे भविष्यात पीक विमा, शासकीय मदत तसेच विविध कृषी योजनांचा लाभ देताना त्याचा उपयोग होण्याची शक्यता आहे.

तालुकानिहाय नोंद झालेल्या क्षेत्राची स्थिती
करमाळा, माढा, बार्शी, दक्षिण सोलापूर, मोहोळ, पंढरपूर, माळशिरस, सांगोला, मंगळवेढा, उत्तर सोलापूर आणि अक्कलकोट या तालुक्यांमध्ये डिजिटल पद्धतीने पीक नोंदणीची प्रक्रिया सुरू आहे.

शेतकऱ्यांचा त्रास कमी करण्यासाठी बदल
ई-पीक पाहणीसाठी शेतकऱ्यांना येणाऱ्या तांत्रिक व प्रत्यक्ष अडचणींचा विचार करून हा बदल करण्यात आला आहे. त्यामुळे आता शेतकऱ्यांच्या शेतात जाऊन महसूल सहाय्यकच पिकांची नोंद करणार असल्याने पीक पाहणीची प्रक्रिया अधिक सोपी होणार आहे

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज