टीम मंगळवेढा टाईम्स ।
सध्या कोरोनाचा प्रादुर्भाव आहे. यामुळे वयोवृध्द नागरिकांना आरोग्याची काळजी लक्षात घेता निवडणुक आयोगाने खास बाब म्हणून दिव्यांग व ८० वर्षावरील नागरिकांसाठी पोस्टल मतदानाची सोय केली आहे.अशी माहिती राज्य मुख्य निवडणूक अधिकारी श्रीकांत देशपांडे यांनी दिली.
शुक्रवारी पंढरपूरमध्ये पंढरपूर-मंगळवेढा विधानसभा पोटनिवडणुकीची आढावा बैठक घेतल्यानंतर आयोजित पत्रकार परिषदेत ते बोलत होते.
यावेळी सहाय्यक निवडणुक अधिकारी दळवी, जिल्हाधिकारी मिलींद शंभरकर, अप्पर पोलीस अधिक्षक अतुल झेंडे, प्रांताधिकारी तथा निवडणुक अधिकारी गजानन गुरव यांचेसह अधिकारी उपस्थित होते.
पंढरपूर विधानसभा मतदार संघात १५ जानेवारी पर्यंत ३ लाख ३९ हजार ५४० मतदारांची नोंदणी आहे.
यामध्ये दिव्यांग १७८२, ८० वर्षावरील १३ हजार ६८८ तर सेनादलातील ५४९ मतदार आहेत. कोरोनाच्या पार्श्वभुमीवर खास बाब म्हणून दिव्यांग व ८० वर्षावरील मतदारांना पोस्टल मतदानास परवानगी दिली आहे.
याचबरोबर मतदानाची वेळ वाढवण्यात आली असून सकाळी ७ ते सायं ७ वाजेपर्यंत मतदान करता येणार आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
