टीम मंगळवेढा टाईम्स।
धर्मगाव येथील डॉ.एम.आर टकले प्रशालेत गणेशोत्सवानिमित्त विद्यार्थ्यांसाठी कथाकथनाचे आयोजन प्रशालेच्यावतीने करण्यात आले.
याप्रसंगी संस्थेचे संस्थापक डॉ.एम.आर. टकले, प्रमुख पाहुणे महादेव घोंगडे आणि मुख्याध्यापक शरदचंद्र इंगवले इत्यादी मान्यवर उपस्थित होते.
संस्थापक डॉ.एम.आर.टकले यांच्या हस्ते प्रमुख पाहुणे म्हणून लाभलेले सेवानिवृत्त शिक्षक महादेव घोंगडे यांचा पुष्पहार, शाल व श्रीफळ देऊन सत्कार करण्यात आला.
संस्थापक व प्रमुख पाहुणे यांच्या हस्ते गजाननाला वंदन करून बाप्पांची महापूजा मोठ्या जल्लोषात करण्यात आली.त्यानंतर मान्यवरांच्या हस्ते मान्यवरांच्या हस्ते सरस्वती पूजन करून कार्यक्रमाची सुरुवात झाली.
ज्येष्ठ वक्ते महादेव घोंगडे यांनी आपल्या मनोगतातून विद्यार्थ्यांना मोलाचे व आदर्श जीवनाची नितीमूल्ये यांचे मार्गदर्शन केले. मानवी जीवनात विनोदाचे असणारे महत्त्वपूर्ण स्थान, भारतीय संस्कृतीतील मुलींचे स्थान, जबाबदारी, आणि कर्तव्य सांगत आई वडील आणि गुरुजनांविषयी पाल्याने सदैव कृतज्ञ राहिले पाहिजे,
विद्यार्थ्यांनी स्वतःमधील न्यूनगंडाची भावना कमी केल्यास त्यांना स्वतःमधील प्रचिती येईल यातूनच उद्याचे भावी लेखक, कवी जन्माला येतील असे भाष्य करत पैशामध्ये सर्व सुख नसून पैसा मिळवणं एक मानवी प्रवृत्ती आहे असे त्यांनी सांगितले.
तसेच संस्थापक डॉक्टर एम. आर .टकले यांच्या हातून शिक्षणरूपी समाजकार्य घडत आहे असा त्यांचा गुणगौरव केला.
आपल्या कला अभिनयासहित कला अतिशय प्रासादिक नाट्यात्मक शैलीतून अनेक कथांचा आस्वाद त्यांनी विद्यार्थ्यांना दिला तसेच त्यांनी कथित केलेल्या ‘रामायणाच घडलं महाभारत ‘या कथेतून मात्र सर्वांमध्येच एक हास्यकल्लोळ निर्माण झाला.
या कथेतून त्यांनी अंधश्रद्धा करू नये असा एक बहुमोल संदेश ही दिला. यानंतर कार्यक्रमाचे अध्यक्ष व संस्थेचे संस्थापक डॉ.एम.आर. टकले यांनी आपल्या मनोगतात आज आपणास संस्कारात्मक, बोधी वृक्षात्मक, ऋषितुल्य ज्यांच्या मुखातून सरस्वती बोलत आहे असा ‘जाणकार वक्ता’ आज आपणास लाभला अशा शब्दात प्रमुख अतिथी महादेव घोंगडे यांचा गुणगौरव केला.
‘वक्तृत्व कला ही एक साधना आहे .’असेही त्यांनी विद्यार्थ्यांना सांगितले.विद्यार्थ्यांनी वक्तृत्व कला आत्मसात करावी असेही त्यांनी आपल्या मनोगतातून सांगितले.
अशा पद्धतीने कार्यक्रम संपन्न झाला . या कार्यक्रमाचे सूत्रसंचालन श्रीमती कारंडे व्ही .एन. तर कार्यक्रमाचे आभार प्रदर्शन श्री .पाटील एम. यांनी केले.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज