सावधान! इम्पोर्ट-एक्सपोर्ट व्यवसायाचे आमिष दाखवून शेतकऱ्याला १४ लाखांचा गंडा; पुण्यातील तिघांविरुद्ध पोलीस ठाण्यात गुन्हा दाखल

टीम मंगळवेढा टाईम्स ​पंढरपूर ।

इम्पोर्ट-एक्सपोर्ट व्यवसायात गुंतवणूक केल्यास मोठा नफा मिळवून देण्याचे आमिष दाखवून, रोपळे (ता. पंढरपूर) येथील एका शेतकऱ्याची १४ लाख रुपयांची फसवणूक केल्याचा धक्कादायक प्रकार समोर आला आहे.

या प्रकरणी पुणे आणि सातारा येथील तीन संशयितांविरुद्ध पंढरपूर शहर पोलीस ठाण्यात गुन्हा दाखल करण्यात आला आहे.

​नेमकी घटना काय?

मिळालेल्या माहितीनुसार, शेगाव दुमाला (ता. पंढरपूर) येथे शेती मशिनरी विक्रीचे दुकान चालवणारे रामचंद्र संभाजी साळुंखे यांचा या तिघांशी संपर्क आला होता. रवींद्र काळे (रा. गिरिजाशंकर अपार्टमेंट, कर्वेनगर, पुणे),

सचिन प्रभाकर झिरपे आणि गीतू सचिन झिरपे (दोघेही रा. केसकर कॉलनी, महाद्वार रोड, सातारा) यांनी साळुंखे यांना विश्वासात घेऊन इम्पोर्ट-एक्सपोर्ट व्यवसायात गुंतवणूक करण्यास प्रवृत्त केले.

या गुंतवणुकीतून मोठा नफा मिळवून देण्याचे आश्वासन त्यांनी दिले होते.

​अशी केली फसवणूक:

संशयितांच्या भूलथापांना बळी पडून साळुंखे यांनी ३ मे २०२५ ते ५ मे २०२५ या कालावधीत टप्प्याटप्प्याने एकूण १४ लाख रुपये आरोपींच्या बँक खात्यात वर्ग केले.

सुरुवातीला विश्वास बसण्यासाठी त्यांनी एक करारनामा देखील करून दिला होता. मात्र, पैसे घेतल्यानंतर त्यांनी करारनाम्यातील अटींचा सर्रास भंग केला.

​पैसे परत देण्यास टाळाटाळ

गुंतवणूक केलेल्या रक्कमेचा वापर काय झाला, नफा किती झाला किंवा व्यवसायाचे स्वरूप काय, याबाबत साळुंखे यांनी वारंवार विचारणा केली. मात्र, आरोपींनी उडवाउडवीची उत्तरे देऊन माहिती देणे टाळले.

तसेच, गुंतवणूक केलेले पैसे परत मागितले असता, ते देण्यासही नकार देत फसवणूक केली. आपली फसवणूक झाल्याचे लक्षात येताच रामचंद्र साळुंखे यांनी पंढरपूर शहर पोलीस ठाण्यात धाव घेत तक्रार दिली. या तक्रारीवरून पोलिसांनी तिघांविरुद्ध गुन्हा दाखल केला असून, पुढील तपास पोलीस करत आहेत.

​व्यापाऱ्यांसाठी सावधानतेचा इशारा:

अशा प्रकारे ‘त्वरीत नफा’ किंवा ‘मोठ्या परताव्याचे’ आमिष दाखवून अनेकांची फसवणूक केली जाते. कोणत्याही व्यवसायात मोठी गुंतवणूक करण्यापूर्वी संबंधित व्यक्ती किंवा कंपनीची कायदेशीर सत्यता पडताळून पाहणे गरजेचे आहे.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज