टीम मंगळवेढा टाईम्स।
श्री विठ्ठल रुक्मिणी भक्तनिवासाच्या नावे बोगस (फेक) संकेतस्थळ बनवून खोल्या बुकिंग करून भाविकांची आर्थिक फसवणूक करणाऱ्या अज्ञात व्यक्तीची तक्रार पंढरपूर शहर पोलिस ठाणे येथे दाखल करण्यात आल्याची माहिती कार्यकारी अधिकारी राजेंद्र शेळके यांनी दिली.
श्री विठ्ठल रुक्मिणी मंदिर समिती पंढरपूरचे सर्व्हे नं. ५९ येथे श्री विठ्ठल रुक्मिणी भक्तनिवास आहे. या भक्त निवासामध्ये खोली बुकिंगसाठी https://yatradham.org या संकेतस्थळावरून ऑनलाईन सुविधा उपलब्ध आहे. तसेच ऑफलाईन पद्धतीने काऊंटर बुकिंग सुविधा देखील आहे.
श्री विठ्ठल रुक्मिणी भक्तनिवासाचे नावाने https://shrivitthalrukmi nibhaktaniwas.in/ असे बोगस (फेक) संकेतस्थळ (वेबसाईट) तयार करून त्यावरील मोबाईल नंबरवरून खोल्या बुकिंग केल्या जातात असे सांगून भाविकांचे पैसे स्वीकारले आहेत. तसेच त्यांना त्याची पावती दिली गेली आहे.
रविवारपासून अशा भाविकांनी भक्तनिवास येथील दूरध्वनीवर संपर्क केला असता, ही बाब निदर्शनास आली आहे. तसेच काही भाविक भक्तनिवास येथे प्रत्यक्ष वास्तव्यास आले असता त्याबाबत फसवणूक झाल्याची माहिती मिळाली.
यापुढे भाविकांची फसवणूक होऊ नये तसेच फसवणूक झालेल्या भाविकांना न्याय देण्याच्या द ष्टीने संबंधितावर कायदेशीर कारवाई करण्याच्या दृष्टीने पोलिस ठाणे पंढरपूर शहर व
https://cybercrime.gov.in/ यांच्याकडे मंदिर समितीच्या वतीने लेखी तक्रार देण्यात आली आहे. तरी भाविकांनी https://yatradham.org या संकेतस्थळावरून किंवा ऑफलाईन पद्धतीने खोली काऊंटर बुकिंग करावे, असे आवाहन मंदिर समितीच्या वतीने व्यवस्थापक मनोज श्रोत्री यांनी केले.
राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 99 70 76 6262 हा आमचा नंबर.
ब्रेकिंग बातम्या मोबाईलवर मिळवण्यासाठी आम्हाला 99 70 76 6262 या नंबरला WhatsApp करा आणि लिहा “Mangalwedha Times News”
विश्वसनीय ऑनलाईन पोर्टल ‘मंगळवेढा टाईम्स’ला बातम्या व जाहिरात देण्यासाठी आजच संपर्क करा : 75 88 214 814
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
