मंगळवेढा टाईम्स वृत्तसेवा:-
राज्यात एवढे पक्ष असताना मी अपक्ष का उभा राह ? असा प्रतिसवाल करत आ भारत भालकेंनी अपक्ष नाही तर पक्षातूनच लढणार असल्याचे सांगत आपली राजकीय भूमिका जाहीर केली.
मात्र कोणत्या पक्षातून लढणार जाहीर न करता विरोधकांसह मतदारांची उत्सुकता वाढवली आहे.
बुधवारी एकादशी निमित्त आ.भालके यांनी विठ्ठल – रुक्मिणी चे दर्शन घेतले.यानंतर त्यांनी पत्रकारांशी संवाद साधला.भालके हे सध्याची चौथी विधानसभेची निवडणूक लढवत असून २००४ चा अपवाद लढणार वगळता दोनवेळा विजयी झाले आहेत.
२००४ ला शिवसेना, २००९ ला अपक्ष , २०१४ ला काँग्रेस च्या तिकिटावर त्यांनी निवडणूक लढवली.
सध्या निवडणुकीचे बिगुल वाजले असून अद्यापर्यंत भालकेंनी पक्ष जाहीर न केल्यामुळे त्यांचे पारंपरिक विरोधक असलेले परिचारक गटाने वेट अॅन्ड वॉचची भूमिका घेतली आहे .मागील आठवड्यात भालके हे मुंबईत तळ ठोकून होते.
यावेळी त्यांनी कोणत्या पक्षात प्रवेश करायचा याचा निर्णय घेतला असल्याची खात्रीलायक माहिती आहे . मात्र अद्यापर्यंत युतीची योषणा झाली नसल्याने भालकेंनी देखील सावध पवित्रा घेत कोणत्या पक्षातून निवडणूक लढवणार हे जाहीर केले नाही.
येत्या दोन दिवसात मतदारसंघाचे चित्र स्पष्ट होईल त्यानंतर कोण कुठल्या पक्षातून लढणार हे समजणार आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
