भिगवण तरुणी अपहरण प्रकरणात नवा ट्विस्ट, तरुणीचा रवानगी सुधारगृहात; आता तरुणाचं काय होणार? तरुणीचे धक्कादायक शपथपत्र

मंगळवेढा टाईम्स न्युज नेटवर्किंग ।

पुणे जिल्ह्याच्या इंदापूर तालुक्यातील भिगवण येथील कथित अपहरण प्रकरणाला आता मोठं  वळण मिळालं आहे. गेल्या काही दिवसांपासून चर्चेत असलेली आणि अपहरणाची तक्रार दाखल झालेली तरुणी

अखेर शुक्रवारी मध्यरात्री दीडच्या सुमारास बारामती शहर पोलीस ठाण्यात स्वतःहून हजर झाली. संबंधित तरुणासह ती पोलीस ठाण्यात आली असली, तरी या प्रकरणातील गुंतागुंत अद्याप कायम आहे.

नेमकी घटना काय?

मिळालेल्या माहितीनुसार, भिगवणमधून बेपत्ता झाल्यानंतर ही तरुणी आणि संबंधित तरुण यांनी मोठा प्रवास केला. ते सुरुवातीला श्रीगोंदा, अहिल्यानगर, शिक्रापूर, पुणे आणि सासवड मार्गे थेट महाबळेश्वरला गेले होते. महाबळेश्वरहून परतल्यानंतर त्यांनी थेट पोलीस स्टेशन गाठले.

पोलीस ठाण्यात तरुणीची आई हजर झाली होती, मात्र मुलीने आईसोबत जाण्यास स्पष्ट नकार दिला. यानंतर पोलिसांनी कायदेशीर प्रक्रिया पूर्ण करत दुपारी साडेबारा वाजता तरुणीला न्यायालयात हजर केले.

न्यायालयातील जबाब आणि वैद्यकीय तपासणीनंतर तिची रवानगी सुधारगृहात (पुनर्वसन केंद्र) करण्यात आल्याची माहिती आहे.

तरुणीचे धक्कादायक शपथपत्र

या प्रकरणाला विशेष वळण मिळालं ते तरुणीने सादर केलेल्या प्रतिज्ञापत्रामुळं. या शपथपत्रात तिने काही खळबळजनक दावे केले आहेत. “माझे संबंधित तरुणावर प्रेम असून मी घरच्यांना याची कल्पना दिली होती.

घरच्यांचा लग्नाला विरोध होता, म्हणून मी स्वमर्जीने त्याच्यासोबत गेले,” असं तिने नमूद केलं आहे. घरच्यांनी दाखल केलेला अपहरणाचा आणि डोळ्यात मिरचीपूड फेकल्याचा गुन्हा पूर्णपणे खोटा असल्याचं तिने या प्रतिज्ञापत्रात म्हटलं आहे.
पोलीस प्रशासनाची भूमिका

पुणे ग्रामीणचे पोलीस अधीक्षक संदीप गिल यांनी पत्रकार परिषदेत माहिती दिली की, “या प्रकरणी गुन्हा दाखल झाला असून आम्ही मुलीच्या आई आणि भावाचे म्हणणे सविस्तर ऐकून घेतले आहे. तरुणीनं आपला जबाब न्यायालयासमोर नोंदवला आहे. मात्र, कुटुंबीयांचे आरोप गंभीर असल्याने आम्ही या प्रकरणाची अधिक सखोल चौकशी करत आहोत.”

सध्या संबंधित तरुणी सुरक्षित असून तिला सुधारगृहात ठेवण्यात आले आहे. तर सोबत असलेल्या तरुणाला पोलिसांनी ताब्यात घेतले असून, त्याची चौकशी केली जात आहे. चौकशीनंतरच पुढील कार्यवाही काय करायची? याचा निर्णय घेतला जाणार आहे.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज