सुधाकरपंत परिचारकांच्या प्रचारार्थ महिला मेळाव्यास उस्फुर्त प्रतिसाद
मंगळवेढा टाईम्स वृत्तसेवा:-
मंगळवेढा-पंढरपूर या मतदारसंघातील महिलांचे अनेक प्रश्न प्रलंबित आहेत याची सोडवणूक करण्यासाठी सुधाकरपंत परिचारक यांना साथ देऊन आपण विजय करूयात असे आव्हान भाजपच्या महिला आघाडीच्या नेत्या चित्रा वाघ यांनी केले आहे.त्या मंगळवेढा येथील श्रीराम मंगल कार्यालयात सुधाकरपंत परिचारक यांनी आयोजित केलेल्या महिला मेळाव्यात बोलत होत्या. कार्यक्रमाच्या अध्यक्षस्थानी अश्विनी शहा होत्या.
व्यासपीठावर खासदार डॉ.जयसिध्देश्वर महाराज,माजी मंत्री लक्ष्मणराव ढोबळे,नगरसेवक अजित जगताप,शहराध्यक्ष गौरीशंकर बुरकुल,खन्ना माळी,सीमाताई परिचारक,कोमल साळुंखे-ढोबळे,माजी जि.प उपाध्यक्ष वैशाली सातपुते, महिला बालकल्याण सभापती रजनी देशमुख, शीतल बुरकुल,ज्योती चव्हाण, अंजली मोरे, अश्विनी शहा,नगरसेविका निर्मला माने,पंचायत समिती सदस्य राजश्री नागणे, रेणुका साळुंखे, शुभांगी सूर्यवंशी, सविता स्वामी आदीजन उपस्थित होते.
चित्रा वाघ पुढे बोलताना म्हणाल्या की,भाजप पक्षाचे कार्य व त्यांच्या कामाची पद्दत विकासाच्या दृष्टीने चालत आहे.गरिबांन व महिलांसाठी पंतप्रधान नरेंद्र मोदी यांनी वेगवेगळ्या योजना चालू करून त्याचा लाभ त्यांना मिळवून दिला आहे.महिला बचत गटाच्या माध्यमातून आमच्या सरकारने बिनव्याजी कर्ज वाटप करून महिलांना आर्थिक पाठबळ देऊन त्यांना स्वतःच्या पायावर उभे करण्याचे काम केले आहे.
महिलांच्या आरोग्याची काळजी घेऊन केंद्र शासनाच्या वतीने सुरू करण्यात आलेले उज्वला गॅस योजना महिलांसाठी वरदान ठरली आहे. या योजनेच्या माध्यमातून तासनतास चुलीपुढे बसून स्वयंपाक करण्याचा महिलांचा त्रास कमी झाला आहे. यातून महिलांचे आरोग्या बरोबरच स्वयंपाकाला जाणारा वेळ वाचल्याने महिलावर्ग उर्वरित वेळामध्ये लहान-मोठ्या उद्योगाच्या माध्यमातून त्यांना आर्थिक पाठबळ मिळत असल्याचे त्यांनी सांगितले.
याप्रसंगी खासदार डॉ.जयसिध्देश्वर महाराज,माजी मंत्री लक्ष्मणराव ढोबळे,सीमा परिचारक,अंजली मोरे,वैशाली सातपुते आदींनी मनोगत व्यक्त करून सुधाकरपंत परिचारक यांना विजय करण्याचे आव्हान केले.
कार्यक्रमाचे प्रस्तावित अजित जगताप तर सूत्रसंचालन स्वाती कोंडुभैरी-दिवसे यांनी व आभार भाजपचे जिल्हा उपाध्यक्ष शशिकांत चव्हाण यांनी मानले.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज