टीम मंगळवेढा टाईम्स ।
सोलापूर जिल्ह्यांमध्ये आजपासून पोलिस भरतीसाठी अर्ज करता येणार आहेत. त्यासाठी गृह विभागाने पोलिस भरतीसाठी policerecruitment2022.mahait.org हे संकेतस्थळ तयार केले आहे.
खुल्या प्रवर्गातील उमेदवारांसाठी १८ ते २८ आणि मागास प्रवर्गातील उमेदवारांची वयोमर्यादा १८ ते ३३ पर्यंत असणार आहे.
सोलापूर शहर व जिल्ह्यात पोलिस शिपाई आणि चालक पोलिस शिपाई व राज्य राखीव पोलीस बल अशा एकूण जवळपास 258 जागांची भरती होणार आहे.
राज्य सरकारने स्वतंत्र निर्णय घेत १ जानेवारी २०२० ते डिसेंबर २०२२ या काळात वयोमर्यादा संपलेल्यांनाही या भरतीत सहभागी होण्याची संधी उपलब्ध करून दिली आहे.
५० गुणांची मैदानी चाचणी होणार
पोलिस भरतीसाठी पहिल्यांदा ५० गुणांची मैदानी चाचणी होणार आहे. त्यात १०० मीटर व १६०० मीटर धावणे (महिलांसाठी ८०० मीटर) आणि गोळाफेक असे प्रकार घेतले जातील.
किमान ४० टक्के गुण घेतलेल्या उमेदवारांमधून एका पदासाठी दहा उमेदवारांची निवड लेखी परीक्षेसाठी केली जाणार आहे.
मागील सात वर्षांत शासकीय नोकर भरती न झाल्याने पोलिस भरतीसाठी दहा ते पंधरा लाख अर्ज येतील असा अंदाज वर्तविला जात आहे.
आता ३० नोव्हेंबरपर्यंत अर्ज करता येणार
त्याअनुषंगाने राज्याच्या माहिती व तंत्रज्ञान विभागाने स्वतंत्र संकेतस्थळ बनवले आहे. त्यावर आता ३० नोव्हेंबरपर्यंत अर्ज करता येणार आहेत.
बारावी उत्तीर्ण असणे आवश्यक
तसेच विद्यार्थ्यांची शैक्षणिक पात्रता : बारावी उत्तीर्ण असणे आवश्यक आहे. तर वयोमर्यादा : खुला प्रवर्ग (१८ ते २८) आणि मागास प्रवर्ग (१८ ते ३३) अशी असली पाहिजे.
अर्जासाठी शुल्क हे
विद्यार्थ्यांना लेखीसाठी पात्र होण्यासाठी मैदानीत किमान ४० टक्के गुण बंधनकारक तर उंची : १६५ सें.मी. असणे आवश्यक आहे. तसेच अर्जासाठी शुल्क हे खुला प्रवर्ग- ४५० रुपये व मागास प्रवर्ग- ३५० रुपये.
४० टक्के गुण अपेक्षित
मैदानी चाचणीनंतर एका पदासाठी १० उमेदवार लेखी परीक्षेसाठी निवडले जातील. १०० गुणांच्या लेखी परीक्षेत किमान ४० टक्के गुण अपेक्षित आहेत.
दोन्ही चाचण्यांमध्ये सर्वाधिक गुण मिळवलेल्यांची मेरिट यादी
मैदानी व लेखी चाचणीचे गुण एकत्रित केले जाणार असून त्या दोन्ही चाचण्यांमध्ये सर्वाधिक गुण मिळवलेल्यांची मेरिट यादी लावली जाईल.
त्यानुसार पोलिस शिपायांची निवड होणार आहे. चालक पोलिस शिपाई पदासाठी स्वतंत्रपणे वाहतुकीसंदर्भात चाचणी उत्तीर्ण व्हावी लागणार आहे.(स्रोत;सकाळ)
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज