टीम मंगळवेढा टाईम्स ।
घरातील आर्थिक संकट दूर करतो, होम हवन करून घरात सुख शांती आणतो असे सांगून मंगळवेढा येथील वीस वर्षीय महिलेला पुणे जिल्ह्यातील ठाणगाव येथे नेऊन बलात्कार केल्याप्रकरणी
आप्पा कोळेकर महाराज त्याचा सेवक दत्ता सोनबा पासलकर दोघे रा.ठाणगाव, पानशेत जिल्हा पुणे व समाधान अर्जुन गडदे (रा. तरटगाव, ता.पंढरपूर) यांचे विरुद्ध मंगळवेढा पोलीस स्टेशनमध्ये बलात्काराचा गुन्हा दाखल झाला असून तिघांनाही अटक करण्यात आली आहे.
याबाबत पोलिस सूत्रांनी दिलेली माहिती अशी, फिर्यादीच्या पतीला व्यवसायामध्ये तोटा झाल्यानंतर कुटूंब आर्थिक संकटात सापडले. त्यावेळी पतीचे मित्र समाधान अर्जुन गडदे (रा. तरटगाव, ता. पंढरपूर) यांनी
पतीला माझ्या ओळखीचे आप्पा कोळेकर महाराज हे लिंबू नारळ वगैरे साहित्यासह विधी होम हवन करून संकटे दूर करतात त्यांच्या तीन वेळा वाऱ्या कराव्या लागतात. त्यामुळे तुम्ही माझ्यासोबत चला असे सांगून समाधान गडदे यांनी दोन वेळा फिर्यादीच्या पतीला ता तिसऱ्या वेळेस फिर्यादीला सोबत नेऊन विधी करावे लागतील असे सांगण्यात आले.
दि.२६ मार्च २०२३ रोजी आरोपी हे फिर्यादीच्या घरी आले व त्यांनी हॉलमध्ये होम हवन करता आणलेले नारळ, विधीचे साहित्य कापूर, उद, लिंबू व काळ्या कपड्याच्या दोन बाहुल्या असे सर्व साहित्य आणून होम केला
व तो भस्म झाल्यानंतर तो भस्म घरात जपून ठेवायला सांगितला व फिर्यादीच्या कुटुंबाला पितृदोष लागलेला आहे, तो घालवण्यासाठी ठाणगाव येथे यावे लागेल व तीन दिवस विधी करावा लागेल असे सांगून गेले.
त्यानुसार समाधान गडदे यांनी स्वतःकडे असलेल्या बोलेरो गाडीमधून दि.८ एप्रिल रोजी आप्पा कोळेकर महाराजांचे दर्शन झाल्यानंतर त्यांची डोंगराच्या पायथ्याशी राहण्याची सोय केली व सायंकाळी भगवे कपडे घालून साडेसात वाजता मंदिराकडे येण्यास सांगितले.
महाराजांच्या सांगण्यानुसार भगवे कपडे घालून फिर्यादी व कुटुंब महाराजांच्या मंदिरात गेले असता महाराजांनी फिर्यादीला एकटीला माझे सोबत डोंगरावरील मंदिरात जायचे आहे, असे सांगून एकटीला सोबत घेऊन मोबाईलच्या उजेडात ते मंदिरात गेले.
त्या ठिकाणी नारळ ठेवण्यास सांगितला व मोबाईलचा टॉर्च बंद केला आणि अंधारात फिर्यादीला जवळ घेत धाडस वाढव, देव तुझा जवळ येत आहे, तू माझ्या पूर्वजन्मीची पत्नी आहे असे म्हणून जवळील भस्म पावडर अंगावर टाकून सर्वांगावर हात फिरवू लागला.
त्यावेळी फिर्यादीने आरडाओरडा करण्याचा प्रयत्न केला. मात्र, फिर्यादीच्या तोंडावर हात ठेवून तुझ्या अंगामध्ये देवी प्रकट होत आहे, येथे कोणी जवळ नाही तुला इथून कुठेही जाता येणार नाही तू आरडा ओरडा केली तर जीव मारीन अशी धमकी देऊन जबरदस्तीने शरीरसंबंध केले.
त्यानंतर फिर्यादीने ठाणगाव मंदिरात झालेल्या लैंगिक अत्याचाराचा प्रकार कुटुंबियांना सांगितल्यानंतर मंगळवेढा पोलीस ठाण्यात संबंधित भोंदू महाराज व त्यांच्या साथीदाराविरुद्ध लैंगिक अत्याचार व जादूटोणा प्रतिबंध कायद्यान्वये गुन्हा दाखल करण्यात आला आहे. तिघांनाही पोलिसांनी अटक केली असून अधिक तपास पोलीस निरीक्षक रणजित माने करीत आहेत.
माझ्या देवाची रेंज दोन हजार किलोमीटर
धाडस वाढव, देव तुझ्या जवळ येत आहे तू पूर्वजन्मीची माझी पत्नी आहे असे म्हणत पीडितेवर अत्याचार करून तू कुणाला सांगितले तर माझ्या देवाची रेंज २ हजार कि.मी. आहे. मी मंत्र मारून तुला व तुझ्या कुटुंबास उद्ध्वस्त करून टाकीन अशी धमकीही भोंदू महाराजाचे दिल्याचे फिर्यादीत नमूद आहे.
उत्तरपूजेला घरी येऊन केला विनयभंग
१४ एप्रिल रोजी दुपारी ३.३० वाजता आप्पा कोळेकर महाराज, सेवक दत्ता, महाराजांचा मुलगा व समाधान गडदे पांढऱ्या रंगाच्या स्कार्पिओ मधून घरी आले.
व घरातील सर्व लोकांना बोलावून घेऊन तुमच्या घरात उत्तरपूजा करावयाची आहे, असे म्हणत घरात धूप पेटवले व फिर्यादीला किचन खोलीत नेऊन अंगावर भस्म टाकून मनाला लज्जा वाटेल असे कृत्य केले.
तसेच फिर्यादीला परत ठाणगाव येथील डोंगरावरील मंदिरात यावे लागेल, असे म्हणून किचन मधून बाहेर आले व घरातील सर्व लोकांवर भस्म देऊन तुम्हाला आर्थिक लाभ होईल,
घरात सुख शांती लाभेल, तुमच्या व्यवसायात भरभराटी होईल असे सांगितले व समाधान गडदे यांनी महाराजांची दक्षिण म्हणून वीस हजार रुपये घेऊन ते निघून गेले.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज