समाधान फुगारे । संपादक मंगळवेढा टाईम्स
सध्या मी कोणत्याच पक्षाचा नसून ज्यावेळी निवडणूका येतील त्यावेळी सर्व कार्यकर्त्याची बैठक घेवून कार्यकर्ते सांगेल तोच पक्ष निवडणार असल्याचे श्री.विठ्ठल सहकारी साखर कारखान्याचे चेअरमन अभिजीत पाटील यांनी सांगितले आहे.
पाटील हे मंगळवेढा येथे आले असता पत्रकारांनी त्यांना पक्षप्रवेश, आगामी निवडणुका व एम.आय.डी.सी बाबत भूमिका विचारली असता त्यांनी सदरचे मत व्यक्त केले.
पुढे बोलताना अभिजीत पाटील म्हणाले की, कारखानदारीमुळे आपला सात जिल्हयाशी संपर्क असून कारखाना चांगल्या पध्दतीने चालवून शेतकऱ्यांना न्याय देण्याचा आपला प्रयत्न आहे.
प्रत्येक तालुक्यामधील राजकिय चित्र वेगवेगळे आहे. ज्यावेळी निवडणूका येतील त्यावेळी सर्व पदाधिकारी कार्यकर्ते यांना विचारूनच मी माझी पुढची दिशा ठरवणार आहे असे अभिजीत पाटील यांनी बोलून दाखविले.
एम.आय.डी.सी.चा प्रकल्प मी शंभर टक्के यशस्वी करून दाखविणार
कोणताही लोकप्रतिनिधी असो एखादे हाती घेतलेले काम पूर्ण करण्यासाठी प्रबळ इच्छाशक्ती हवी असे असते एम.आय.डी.सी. चा प्रकल्प मी शंभर टक्के यशस्वी करून दाखविणार, कारण ती जिद्द माझ्यात आहे.
एम.आय.डी.सी. वरून नुसते राजकारण सुरु
सध्या एम.आय.डी.सी. वरून नुसते राजकारण सुरु आहे. मागणी करणारे तेच प्रकल्पाला हात घालणारे तेच आणि विरोध करणारेही तेच अशी विचित्र परिस्थिती आहे.
संबंधित विभागाच्या अधिकाऱ्यांना विश्वासात घेवूनच पुढचा निर्णय घ्या
आपण जी जागा निवडली ती जागा कोणाच्या तरी सांगण्यावरून निवडण्यापेक्षा संबंधित विभागाच्या अधिकाऱ्यांना विश्वासात घेवून बैठक लावून त्यांचेशी चर्चा करून मगच पुढचा निर्णय घ्यायला हवा होता.
भविष्यात ‘ही’ जागा ही मिळू शकणार नाही
परंतू एम.आय.डी.सी बाबत तसे घडलेले नाही. त्यामुळे सध्या गोंधळयुक्त परिस्थिती निर्माण झालेली आहे. पर्याय म्हणून अनवली येथील जागेचा विचार सुरु असला तरी या भागात हरणांचा वावर आहे. त्यामुळे भविष्यात ही जागा ही मिळू शकणार नाही अशी परिस्थिती आहे.
...तरच ते काम लोकप्रतिनिधी जिद्दीने पुढे नेवू शकतो
लोकप्रतिनिधींना खरोखरच विकास करायचा असेल तर कोणत्याही गोष्टीवर अगोदर ठाम राहिले पाहिजे. तरच ते काम तो लोकप्रतिनिधी जिद्दीने पुढे नेवू शकतो.
आपण केलेल्या कामाबद्दलचा हिशोब जनतेसमोर मांडावा लागणार
येणाऱ्या काळात आपण केलेल्या कामाबद्दलचा हिशोब जनतेसमोर मांडावा लागणार आहे. त्यामुळे नुसते राजकारण करण्यापेक्षा शासनस्तरावरील कामे वगळता रुटींगमधील कामे वगळता स्वकर्तृत्वाने कोणते भरीव काम केले याकडे पाहणे हे लोकप्रतिनिधीचे काम असल्याचे त्यांनी यावेळी सांगितले.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
