टीम मंगळवेढा टाईम्स ।
मंगळवेढा तालुक्यातील खडकी येथे एक अत्यंत दुर्दैवी आणि मन सुन्न करणारी घटना घडली आहे. आईसोबत जळण आणण्यासाठी गेलेल्या दोन चिमुकल्यांसह मातेचा साठवण तलावात बुडून मृत्यू झाला. या घटनेने संपूर्ण तालुक्यात शोककळा पसरली असून, एकाच कुटुंबातील तिघांवर काळाने घाला घातल्याने खडकी गाव दु:खात बुडाले आहे.
नेमकी घटना काय?
मिळालेल्या माहितीनुसार, वैशाली अनिल घोडके (वय ३६) या आपल्या दोन मुलांसह—श्रेया अनिल घोडके (वय १२) आणि सोहम अनिल घोडके (वय १०) स्वयंपाकासाठी जळण (लाकूड) गोळा करण्यासाठी घराबाहेर पडल्या होत्या. यावेळी शेतातील साठवण तलावाजवळ ही दुर्घटना घडली.
अंदाज न आल्याने तिघेही पाण्यात बुडाले.
पोलीस प्रशासनाची धाव आणि शोधकार्य
घटनेची माहिती मिळताच मंगळवेढा पोलीस ठाण्याचे पथक तातडीने घटनास्थळी दाखल झाले.
पोलीस निरीक्षक बोरिगीड्डे, पोलीस उपनिरीक्षक नागेश बनकर, विजय पिसे, हवालदार बसवराज कोष्टी, नितीन पलूसकर आणि पोलीस कॉन्स्टेबल विनायक जाधव यांनी स्थानिक नागरिकांच्या मदतीने युद्धपातळीवर शोधमोहीम राबवली.
काल रात्री उशिरा आई वैशाली घोडके यांचा मृतदेह हाती लागला होता. मात्र, रात्र झाल्याने शोधकार्यात अडथळे येत होते. आज पहाटे पुन्हा शोधमोहीम सुरू केल्यानंतर श्रेया आणि सोहम या दोन्ही मुलांचे मृतदेह पाण्यातून बाहेर काढण्यात आले आहेत.
गावावर शोककळा
अनिल घोडके यांच्या कुटुंबावर कोसळलेल्या या संकटामुळे परिसरातून हळहळ व्यक्त होत आहे. हसत्या-खेळत्या कुटुंबातील आई आणि दोन कोवळ्या जीवांचा अशा प्रकारे अंत झाल्याने सोशल मीडियावर आणि प्रत्यक्ष गावातून दुःख व्यक्त केले जात आहे. मंगळवेढा पोलिसांनी घटनेचा पंचनामा केला असून पुढील तपास सुरू आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
