टीम मंगळवेढा टाईम्स ।
मंगळवेढा परिसरात आज सायंकाळी झालेल्या वादळी पावसात वीज पडून 13 वर्षीय मुलीचा मृत्यू झाल्याची घटना घडली आहे. मेघा विठ्ठल मेटकरी (जुना मारापूर रोड, मेटकरी वस्ती, मंगळवेढा) असे मयत झालेल्या मुलीचे नाव असून या घडलेल्या दुर्दैवी घटनेमुळे या मेटकरी कुटुंबावर दुःखाचा डोंगर कोसळला आहे.
याबाबत सविस्तर माहिती अशी की, मंगळवेढा तालुक्यात आज सायंकाळी 4 च्या सुमारास वादळी वाऱ्यासह पावसाळा सुरवात झाली होती. दरम्यान मयत मेघा मेटकरी ही पाऊस उघडला आहे म्हणून घराबाहेर येऊन थांबली होती.
बारीक पाऊस सुरू असताना अचानक वीज पडून घराबाहेर उभी असलेल्या मेघाच्या अंगावर पडली आणि तिचा जागीच मृत्यू झाला आहे.
मेघा ही सातवी वर्गात शिकत होती.तिच्या पश्चात एक भाऊ,दोन बहिणी आई वडील आजी आजोबा असा परिवार आहे.
पंचनामे करण्याच्या आ.आवताडेंनी दिल्या सूचना
दरम्यान मंगळवेढा तालुक्यातील कर्जाळ, कात्राळ, कागस्ट, डिकसळ,नंदूर, बालाजीनगर,मरवडे आदी भागात वादळी वाऱ्यामुळे काही नागरिकांच्या घरावरचे पत्रे उडून गेलेली आहेत. पावसामुळे पिकांचे नुकसान झाले असून त्यांचे व मेटकरी वस्ती येथील दुर्दैवी घटनेची पाहणी करून पंचनामा करण्याच्या सूचना आ.समाधान आवताडे यांनी तहसीलदार स्वप्नील रावडे यांना दिल्या आहेत. तसेच मृत झालेल्या मुलीच्या कुटुंबाला तातडीने शासकीय आर्थिक मदत कशी मिळेल यासाठी प्रयत्न सुरू केले आहेत.
राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 99 70 76 6262 हा आमचा नंबर.
ब्रेकिंग बातम्या मोबाईलवर मिळवण्यासाठी आम्हाला 99 70 76 6262 या नंबरला WhatsApp करा आणि लिहा “Mangalwedha Times News”
विश्वसनीय ऑनलाईन पोर्टल ‘मंगळवेढा टाईम्स’ला बातम्या व जाहिरात देण्यासाठी आजच संपर्क करा : 75 88 214 814
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
