मंगळवेढा टाईम्स वृत्तसेवा:-
सातारा पाटण तालुक्यातील मल्हारपेठ ते पंढरपूर राज्य मार्गावर कराड तालुक्यातील उंब्रज – मसूरदरम्यान मालट्रकखाली चिरडून मोटारसायकलवरील दोघांचा मृत्यू झाला .
नितीन पोपट कापुरे ( २५ ) व रितेश बबन गायकवाड ( दोघेही रा . जयभीमनगर , इचलकरंजी , जि . कोल्हापूर , हल्ली रा . माळीनगर , उंब्रज ) अशी मृतांची नावे आहेत .
मसूरकडून उंब्रजकडे निघालेला ट्रक उंब्रजपासून तीन किलोमीटर अंतरावर कृष्णा नदीच्या पुलाजवळ आला तेव्हा समोरून येणाऱ्या हीरो होंडा मोटारसायकलशी त्याची धडक झाली . त्यामुळे मोटारसायकलवरील दोघेही खाली पडले व ट्रकच्या मागील चाकाखाली चिरडले गेले .
त्यातील नितीन कापुरे याचा जागीच मृत्यू झाला , तर रितेश गायकवाड गंभीर जखमी झाला . त्याला तातडीने उपचारासाठी कराडला हलवण्यात आले , परंतु उपचार सुरू असतानाच त्याचाही मृत्यू झाला .
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
