मंगळवेढा टाईम्स वृत्तसेवा । पंतप्रधान नरेंद्र मोदी येत्या रविवारी मोठी घोषणा करणार आहेत. याची कल्पना त्यांनी नुकतीच त्यांच्या ट्विटर अकाऊंटवर दिली आहे. कदाचित ते आभासी जगातून कायमचा संन्यास घेण्याच्या विचारात असल्याचे ट्विटवरून दिसत आहे.
भारताचे पंतप्रधान नरेंद्र मोदी यांची सोशल मीडियावर लोकप्रियता दिवसेंदिवस वाढतच चालली आहे. ट्विटरवरील नरेंद्र मोदींच्या फॉलोअर्सची संख्या 50 मिलियन इतकी झाली.
म्हणजेच 5 कोटींचा आकडा पार झाला आहे. ट्विटरवर सर्वाधिक जास्त फॉलोअर्स असलेल्या राजकीय नेत्यांच्या लिस्टमध्ये नरेंद्र मोदी तिसऱ्या स्थानकावर आहेत. तर फेसबूकवरही त्यांचे 44 दशलक्ष फॉलोअर्स आहेत. इन्स्टाग्रामवर मोदींचे 35.5 दशलक्ष फॉलोअर्स आहेत. तसेच युट्युबवरील 4.5 दशलक्ष सबस्क्रायबर आहेत.
आज नरेंद्र मोदी यांनी मोठी अचंबित करणारी घोषणा केली आहे. येत्या रविवारी मोदी मोठा निर्णय घेणार असून फेसबुक, ट्विटर, इन्स्टाग्राम आणि यूट्यूबवरील त्यांचे सोशल मीडिया अकाऊंट सोडून देण्याच्या विचारात आहेत. याची माहिती लवकरच देण्याचेही मोदी यांनी सांगितले आहे. यामुळे सोशल मीडियावर खळबळ माजली आहे.
“या रविवारी फेसबुक, ट्विटर, इन्स्टाग्राम आणि यूट्यूबवरील माझे सोशल मीडिया अकाउंट्स सोडून देण्याचा विचार आहे. आपणा सर्वांना सांगेन”., असे ट्विट मोदी यांनी केले आहे.
जगभरातील लाखो वाचक असलेले सोलापूर जिल्ह्यातील सर्वाधिक लोकप्रिय व विश्वासार्ह न्यूज पोर्टल www.mangalwedhatimes.in
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
