मंगळवेढा टाईम्स ऑनलाईन । सोलापुरातील कोरोना बाधितांची संख्या आज 29 ने वाढून 182 झाली आहे.अशी माहिती जिल्हाधिकारी मिलिंद शंभरकर यांनी गुरुवारी सायंकाळी दिली. आज पर्यंतचा सर्वाधिक वाढलेला हा आकडा आहे.
आज एकाच दिवशी इतक्या बाधितांची संख्या वाढल्याने सोलापूर जिल्ह्यातील नागरिकांना मोठा धक्का बसला आहे. दिवसेंदिवस कोरोनाचा प्रादुर्भाव वाढत असल्याचे स्पष्ट दिसून येत आहे. काल बुधवारी रात्री पर्यंत सोलापुरातील बाधितांची संख्या 153 होती. अशी माहिती जिल्हा प्रशासनाच्या वतीने देण्यात आली होती.
रुग्णांपैकी आत्तापर्यंत 2 हजार 775 जणांची कोटोना स्वब चाचणी घेण्यात आली यापैकी 2 हजार 495 अहवाल प्राप्त झाले आहेत . यात 2 हजार 313 निगेटिव्ह , तर 182 पॉझिटिव्ह अहवाल आले आहेत. जिल्हाधिकारी शंभरकर यांनी याबाबत अधिक माहिती देताना सांगितले की, आज एका दिवसात सोलापुरात 126 चाचणी अहवाल आले यात अहवाल 97 निगेटिव्ह तर 29 पॉझिटिव्ह आले आहेत. यामध्ये 14 पुरुष तट 15 स्त्री असून 1 स्त्रीचा मृत्यू झाला आहे.
एका महिलेचा मृत्यू तर पाच रुग्ण बरे होऊन घरी परतले …एकूण रुग्ण १८२, डिस्चार्ज दिलेले रुग्ण २९, मृत रुग्ण ११ तर १४२ रुग्णांवर उपचार सुरु
अद्याप २८० अहवाल प्रलंबित असून आजचे नवे रुग्ण हे आकाशवाणी केंद्राजवळील १२, अलकुंटे चौक २, बापूजी नगर ४, भारतरत्न इंदिरा २, नई जिंदगी ४, रंगभवन, शनिवार पेठ, रेल्वे लाईन्स प्रत्येकी १, न्यू पाच्छा पेठ २ असे आहेत.
आज मृत्यू पावलेली व्यक्ती न्यू पाच्छा पेठ परिसरातील ४८ वर्षीय असून त्यांना ६ मे ला पहाटे गंभीर अवस्थेत हॉस्पिटलमध्ये दाखल करण्यात आले होते. उपचारादरम्यान ६ मे रोजी दुपारी ३ वा. निधन झाले. आज त्यांचा कोरोनाचा रिपोर्ट पॉझिटिव्ह आल्याची माहिती प्रशासनाकडून देण्यात आली आहे.
———————————
ब्रेकिंग बातम्या मोबाईलवर मिळवण्यासाठी आम्हाला 95 616 17373 या नंबरला WhatsApp करा आणि लिहा “Mangalwedha Times News”
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
