मोठी बातमी! राज्य माध्यमिक आणि उच्च माध्यमिक शिक्षण मंडळाकडून दहावी व बारावीच्या परीक्षांच्या तारखा जाहीर

मंगळवेढा टाईम्स न्युज नेटवर्किंग।

महाराष्ट्र राज्य माध्यमिक आणि उच्च माध्यमिक शिक्षण मंडळातर्फे फेब्रुवारी-मार्च महिन्यात घेण्यात येणार्‍या इयत्ता दहावी आणि बारावीच्या परीक्षांचे वेळापत्रक काल गुरुवारी जाहीर करण्यात आले आहे.

त्यानुसार 8 फेब्रुवारी ते 16 मार्च 2027 या कालावधीत बारावीची परीक्षा पार पडणार आहे. तर दहावीची परीक्षा 15 फेब्रुवारी ते 11 मार्च 2027 या काळात होणार आहे. याबाबतची माहिती राज्य मंडळाचे सचिव डॉ. दीपक माळी यांनी दिली आहे.

गेल्या काही वर्षांपासून राज्य माध्यमिक आणि उच्च माध्यमिक शिक्षण मंडळातर्फे जुलै किंवा ऑगस्टमध्येच दहावी आणि बारावीच्या परीक्षांचं संभाव्य वेळापत्रक जाहीर केल जात आहे. मात्र, यावर्षी सप्टेंबर महिन्यात दहावी-बारावी परीक्षांचे वेळापत्रक जाहीर करण्यात आलं आहे.

महाराष्ट्र राज्य माध्यमिक आणि उच्च माध्यमिक शिक्षण मंडळातर्फे घेण्यात येणार्‍या आगामी बारावी लेखी परीक्षा 8 फेब्रुवारी ते 16 मार्च 2027 होणार आहे. तर बारावीची प्रात्यक्षिक, श्रेणी, तोंडी परीक्षा ही 20 जानेवारी ते 6 फेब्रुवारी 2027 या दरम्यान पार पडणार आहे.

तर दहावीची लेखी परीक्षा 15 फेब्रुवारी ते 11 मार्च 2027 तसेच प्रात्यक्षिक,श्रेणी,तोंडी परीक्षा ही 28 जानेवारी ते 13 फेब्रुवारी दरम्यान होणार आहे.

राज्य शिक्षण मंडळाच्या एकूण नऊ विभागीय शिक्षण मंडळातंर्गत दहावी-बारावीची अंतिम परीक्षा घेण्यात येते. या नऊ विभागात पुणे, नागपूर, औरंगाबाद, मुंबई, कोल्हापूर, अमरावती, नाशिक, लातूर, कोकण या विभागीय शिक्षण मंडळांचा समावेश होतो.

इयत्ता बारावी अन् दहावीच्या परीक्षांचा ऑनलाईन निकाल मे अखेरीस व जूनच्या पहिल्या आठवडयात जाहीर करण्यात येत असतो.काही महिने परीक्षांचे वेळापत्रक जाहीर करण्यापाठीमागं दहावी-बारावीच्या विद्यार्थ्यांना परीक्षेची उत्तम तयारी करता यावी हा उद्देश असतो.

या बाबींचा सारासार विचार करता दहावी-बारावी परीक्षांचे वेळापत्रक जाहीर करण्यात आले असल्याचे राज्य मंडळाकडून स्पष्ट करण्यात येणार आले आहेत्यानंतर अनुत्तीर्ण तसेच श्रेणीसुधार अंतर्गत प्रविष्ट विद्यार्थ्यांसाठी जुलै-ऑगस्टची पुरवणी परीक्षा साधारणत जुलैच्या तिसर्‍या आठवडयापासून घेतली जाते.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज